Что изменится с 1 марта в оплате жилищно-коммунальных услуг?

У Беларусі для насельніцтва адмяняецца дыферэнцыраваная плата за тэхабслугоўванне жылых дамоў, водазабеспячэнне, водаадвядзенне і электраэнергію ў залежнасці ад аб’ёмаў іх спажывання. Гэтыя і іншыя змены будуць прымяняцца з 1 сакавіка, піша партал камунальнай адукаванасці насельніцтва gkx.by. Змяненні ўстанаўліваюцца пастановай Савета Міністраў ад 9 лютага 2019 года №81.

Дыферэнцыяцыі па сваяцкіх адносінах не будзе

 Адна з галоўных змен датычыцца разліку за камунальныя паслугі ў кватэрах, дзе зарэгістраваны грамадзяне, якія не з’яўляюцца ні ўласнікамі жылля, ні яго наймальнікамі, ні блізкімі сваякамі ўладальніка памяшкання. Цяпер плата за кампаслугі налічваецца такім грамадзянам па эканамічна абгрунтаваных тарыфах. А з сакавіка зарэгістраваныя па месцы жыхарства грамадзяне будуць аплачваць «камуналку» па субсідаваных тарыфах, незалежна ад таго, якія адносіны існуюць паміж імі і ўладальнікамі або наймальнікамі кватэры.

 Дыферэнцыяцыя па сваяцкіх адносінах перастане дзейнічаць і ў дачыненні да аплаты за цепла- і газазабеспячэнне. Па субсідаваным тарыфе — 16,9259 руб. за 1 Гкал — з вясны будуць плаціць усе зарэгістраваныя па месцы жыхарства грамадзяне, незалежна ад іх юрыдычных адносін з уласнікам ці наймальнікам жылля. Эканамічна абгрунтаваныя тарыфы за цяпло і газ будуць дзейнічаць толькі для памяшканняў, дзе ніхто не зарэгістраваны, або калі ўласнік такой кватэры — юрыдычная асоба. А яшчэ ў выпадку калі жыллё здаецца для кароткатэрміновага пражывання або для месцазнаходжання прыватнага прадпрыемства.

Любы аб’ём вады па субсідаваных тарыфах

 Не будуць залежаць ад нормаў спажывання і тарыфы на ваду — з сакавіка любы аб’ём вады, спажыты грамадзянамі, будзе аплачвацца па субсідаваных тарыфах, важная ўмова ў дадзеным выпадку — рэгістрацыя па месцы жыхарства або знаходжання (па выбары саміх грамадзян) і наяўнасць прыбораў індывідуальнага ўліку расходу вады. Субсідаваны тарыф на водазабеспячэнне – 0,8338 руб.за 1 м3, водаадвядзенне-0,6383 руб. за 1 м3.

 Розніца ў налічэнні платы за карыстанне электрычнасцю ў залежнасці ад колькасці ўжытых кілават таксама знікне. У выпадку рэгістрацыі па месцы жыхарства грамадзяніна тарыф на электраэнергію з сакавіка бягучага года будзе наступным: 0, 1484 за 1 кВт / г — у дамах з электраплітамі; 0, 1746 за 1 кВт / г — з газам. Пры гэтым застаецца дыферэнцыяцыя па аплаце ў залежнасці ад часу сутак.

 Дакумент вылучыў таксама новую групу спажыўцоў электраэнергіі, жылыя памяшканні якіх абсталяваны асобнымі лічыльнікамі электраэнергіі, ацяпляюцца і падаграваюць ваду электракатламі пры адсутнасці ў доме цэнтралізаванага цепла — і газазабеспячэння. Тарыф для дадзенай групы спажыўцоў-0,0335 рубля за 1 кВт/г (пры наяўнасці неабходнай дакументацыі і дагавора).

Калі прымянілі не той тарыф

 У дакуменце таксама прадугледжаны парадак пераразліку за жыллёва-камунальныя паслугі ў выпадку няправільнага прымянення арганізацыяй тарыфу. Калі гаворка ідзе пра памылку арганізацыі, якая выклікала даналічэнне платы за паслугу, атрыманую за папярэднія перыяды, то пераразлік з сакавіка можна зрабіць толькі за тры месяцы. Калі памылка адбылася з-за недакладных звестак, прадастаўленых спажыўцом, пералічаць за ўвесь перыяд прымянення памылковага тарыфу, але не больш, чым за тры гады.