УМОВЫ ЖЫЦЦЯ ВЕТЭРАНАЎ АБСЛЕДАВАЛІ

У сувязі з падрыхтоўкай да святкавання 70-й гадавіны Перамогі савецкага народа ў Вялікай Айчыннай вайне на Сенненшчыне завершана абследаванне ўмоў пражывання былых франтавікоў і партызан, працаўнікоў тыла, сямей ваеннаслужачых, што загінулі падчас баявых дзеянняў.

На днях у хаце жыхара вёскі Келісы Пятра Баркаўца, якому падлеткам давялося ваяваць з фашыстамі ў шэрагах народных мсціўцаў, пабывалі прадстаўнікі сельскай улады. Для Алега Барыткі, старшыні Студзёнкаўскага сельвыканкама, і Уладзіміра Касьянава, дырэктара мясцовай школы, які да таго ж з’яўляецца членам сельскага выканаўчага камітэта, наведванне ветэрана не было фармальнасцю нават пры тым, што яны самі, а нярэдка і з педагогамі, школьнікамі, аб’яднанымі ў грамадскія арганізацыі, часта бываюць у ветэрана, ведаюць яго патрэбы, дапамагаюць у вырашэнні надзённых праблем.
Па выніках абследавання ўмоў пражывання ветэранаў у раёне распрацуюць і рашэннем райвыканкама зацвердзяць мерапрыемствы, якія дазволяць задаволіць усе патрэбы ўдзельнікаў вайны і працаўнікоў тыла.
Наш кар.
НА ЗДЫМКУ: Пётр Емяльянавіч Баркавец (у цэнтры) у час размовы з прадстаўнікамі сельскай улады.