Молодые семьи Сенненщины обустроили детскую площадку

У рамках рэспубліканскага праекта БРСМ #разамзбацькамі маладыя сем’і райцэнтра сумесна з актывістамі моладзевага руху добраўпарадкавалі дзіцячую пляцоўку.

У райцэнтры па завулку Касманаўтаў з’явіліся пясочніца, лаўка, і невялічкі драўляны цягнік для малышоў. Прыемна, што дваровую пляцоўку для дзятвы абуладкоўвалі маладыя бацькі разам са сваімі дзецьмі. Узброіўшыся пэндзлікамі, юныя сенненцы дапамагалі дарослым фарбаваць інвентар.

Хлопчыкі і дзяўчынкі разумелі, што робяць гэта не толькі для сябе, але і для іншых малышоў, якія будуць прыходзіць сюды пагуляць. 

 Вялікую дапамогу ў набыцці атрыбутаў для дзіцячай зоны аказалі індывідуальныя прадпрымальнікі раёна: Мікалай Падалінскі і Дзмітрый Лапеха.

 Сімвалам акцыі стала стужачка-вышыванка з беларускім арнаментам, якую ў гэты дзень павязвалі на руку ўсім добраахвотным памочнікам.

 

Па словах Марыі Шыбека, першага сакратара РК ГА “БРСМ”, добраўпарадкаванне гульнявой пляцоўкі — унёсак сенненцаў у агульную справу зрабіць свой двор яшчэ больш прыгожым і ўтульным, а жыццё дзяцей — ярчэйшым і цікавейшым. Больш таго, сумесныя сямейныя мерапрыемствы — пачатак добрых традыцый, якія збліжаюць людзей, адзначыла яна.

 

На гэтым добрыя справы бацькоў і дзяцей не скончаны. У планах актывістаў саюза моладзі прывесці ў парадак яшчэ некалькі  пляцовак.

 Карысныя справы заўсёды знаходзяць водгук у сэрцах людзей. Будзем спадзявацца, што да рэспубліканскага праекта #разамзбацькамі далучыцца больш неабыякавых сенненцаў. А мы, карэспандэнты “ГС”, на старонках выдання абавязкова раскажам пра гэта.

Ала ЯКАЎЛЕВА.

Фота аўтара.