Рабочая група з ліку супрацоўнікаў раённай інспекцыі прыродных рэсурсаў і аховы навакольнага асяроддзя, жыллёва-камунальнай гаспадаркі, цэнтра гігіены і эпідэміялогіі, РАНС, прадстаўнікоў “ГС” ацанілі стан сенненскіх пляжаў і іх гатоўнасць прыняць адпачываючых.
На тэрыторыі раёна для купання афіцыйна вызначыны два аб’екты: азёры Сенненскае і Серакаратнянскае, якое знаходзіцца ў вёсцы Рыбнае.
Спецыялісты ў першую чаргу звярталі ўвагу на санітарны стан і добраўпарадкаванне пляжаў, даступнасць да камфортнага адпачынку для гасцей і жыхароў Сенненшчыны. Як высветлілася, да прыёму наведвальнікаў яны не зусім падрыхтаваны, пра што сведчыла няскошаная трава, не прыбранае смецце. Работы вядуцца, але не дастаткова хутка. На Сенненскім возеры спецыялісты жыллёва-камунальнай гаспадаркі пафарбавалі лаўкі, дзіцячую горку, арэлі, кабінку для пераапранання. На Серакаратнянскім да афарбоўкі і не прыступалі. Затое паклапаціліся пра афармленне інфармацыйнага стэнду, на якім размешчаны карысныя парады для адпачываючых, указаны кантактныя даныя ўчастковага інспектара.
У элементарны набор зручнасцяў для адпачываючых уваходзяць і ценявыя павеці. На тэрыторыях водных аб’ектаў іх не было. Але ў адпаведнасці з патрабаваннямі санітарных нормаў, правілаў і гігіенічных нарматываў яны неабходны.
Супрацоўнікі АСВОДа з 15 мая перайшлі на ўзмоцнены рэжым працы. На пляжы возера Сенненскае па просьбе Уладзіміра Станкевіча, старшыні раённай арганізацыі таварыства ратавання на вадзе, для больш зручнага руху машын на новае месца перанесены шлагбаўм. На гэтым тыдні вадалазамі абследавана і ачышчана дно акваторыі пляжа ад небяспечных для купальшчыкаў прадметаў.
Спецыялісты раённага цэнтра гігіены і эпідэміялогіі з красавіка сочаць за якасцю вады ў месцах адпачынку людзей на азёрах Сенненскае і Серакаратнянскае. Лабараторныя даследаванні на адпаведнасць устаноўленым параметрам бясшкоднасці і бяспечнасці не перавышаюць дапушчальныя паказчыкі. Такія праверкі будуць праводзіцца на працягу ўсяго лета. Сачыць за якасцю вады будуць і на азёрах Тухінскае, Рахальскае, бо ў летні сезон там таксама шмат адпачываючых.
Ала ЯКАЎЛЕВА.
Предупреждение загораний в природных экосистемах и минимизация их последствий – главная цель специального профилактического мероприятия…
Президент Беларуси Александр Лукашенко, посещая площадку строительства Национального исторического музея, поручил сделать экспозиции оптимальными, но не скупиться,…
Глава района Александр Клячин, председатель райсовета Михаил Вилюго и работники райисполкома помогают ОАО «Белая липа».…
В Шумилино местный житель в состоянии сильного алкогольного опьянения пытался застрелить милиционера, а затем сбежать,…
Команда Сенненского района, в состав которой вошли учащиеся СШ № 1 райцентра, представляла Витебскую область…
В Сенненском районе завершают отопительный сезон. На основании Правил подготовки организаций к отопительному сезону, его…