Бялынічы пакарыліся сенненцам

Добрай традыцыяй стала правядзенне ў г.п.Бялынічы Магі­лёўскай вобласці штогадовага валейбольнага турніру на прыз газеты «Беларуская Ніва».

Сенненцы выступаюць у гэтых спаборніцтвах  не першы год. Але толькі аднойчы нашай камандзе пашанцавала перамагчы ў турніры. Таму сёлета, абноўленая маладымі валейбалістамі, яна была рашуча настроена зноў заявіць пра сябе.

У спаборніцтвах удзель­нічалі каманды Шклова, Клічава, Віцебскага раёна, Сянна і ўласна Бялынічаў. Нягледзячы на статус аматарскага турніру, узровень падрыхтоўкі спартсменаў быў даволі высокі, а барацьба — напружанай і ўпартай.

Гульні праходзілі па кругавой сістэме. У першы дзень сенненцы гулялі са шклоўскімі і клічаўскімі валейбалістамі. «Раскачкай» гэтыя сустрэчы назваць цяжка, тым не менш нашы хлопцы згуртаваліся і разграмілі праціў­нікаў.

Старыя сябры і сур’ё­зныя сапернікі — каманды Сянна і Віцебскага раёна— сышліся зноў на бялыніцкай пляцоўцы. Першую партыю сенненцы аддалі віцябчанам. Аднак выйгралі другую і з лікам 16:14 амаль «вырвалі» перамогу ў трэцяй партыі.

Падобны вынік чакаў нашых валейбалістаў і ў сустрэчы з камандай г.п.Бялынічы.

Аляксандр Івашкоў, Дзмітрый Сінкевіч, Павел і Сяргей Распорскія, Рустам Хасанаў, Антон Камінскі, Мікалай Долатаў і Уладзімір Гардзюк, які выступаў за трэнера, атрымалі пераможны кубак і дыплом ад адміністрацыі фізкультурна-аздараўленчага комплексу «Друць» і прадстаўнікоў Бялыніцкага райвыканкама. А ў якасці прыза сенненцы прывезлі дамоў вадкакрышталёвы тэлевізар.

Ірына ГАРБАЧОВА.