Выходные на Сенненщине выдались «огненными»
На сённяшні дзень па раёне адбылося 17 пажараў, у агні загінулі 3 чалавекі. За адпаведны перыяд 2013 года зафіксавана 10 узгаранняў і 2 гібелі
У нядзелю, 6 красавіка, па вуліцы Меліяратараў г.Сянно, дзе размяшчаліся гаспадарчыя пабудовы, узведзеныя без афармлення неабходных дакументаў, згарэла 5 гаражоў.
Моцнае задымленне ўбачылі жыхары мікрараёна, якія і выклікалі супрацоўнікаў раённага аддзела па надзвычайных сітуацыях. З-за ветру агонь хутка перакідваўся з адной пабудовы на другую, што ўскладняла работу пажарным-выратавальнікам. Тэхнікі ў час пажару ў гаражах не было. Ніхто не пацярпеў.
Прычынай узгарання стала дзіцячае свавольства.
***
А ў мінулую пятніцу, 11 красавіка, у вёсцы Цыпкі Багушэўскага сельсавета згарэў жылы дом. У выніку пажару знішчана маёмасць яго гаспадара. Выратавальнікам Сенненскага РАНС давялося спыніць агонь, які з-за моцнага ветру ўжо перакідваўся на надворныя пабудовы і бліжэйшы суседскі дом. Прычына пажару высвятляецца.
Ірына ГАРБАЧОВА.