Леонид Хиревич избран председателем Сенненской районной организации профсоюза работников АПК

На прафсаюзнай канферэнцыі Сенненскай раённай арганізацыі Беларускага прафесійнага саюза работнікаў АПК старшынёй райкама з 10 снежня 2019 года абраны Леанід Хірэвіч.

Ён нарадзіўся ў 1959 годзе ў вёсцы Полымя. У 1981 годзе скончыў Віцебскі ветэрынарны інстытут па спецыяльнасці “заатэхнія”. Леанід Міхайлавіч – дэпутат Сенненскага раённага Савета.

 Пасля службы ва Узброеных Сілах СССР працоўны шлях Леанід Хірэвіч пачаў галоўным заатэхнікам племсаўгаса “Полымя”, дзе працаваў да 1986 года. У яго працоўнай біяграфіі былі пасады галоўнага заатэхніка аддзела па вытворчасці і перапрацоўцы прадукцыі жывёлагадоўлі Сенненскага раённага аграпрамысловага аб’яднання, намесніка дырэктара па вытворчасці племсаўгаса “Полымя”, інструктара арганізацыйнага аддзела Сенненскага РК КПБ, намесніка старшыні калгаса “Ленінскі шлях”.

 У 1991 годзе Леанід Хірэвіч быў прызначаны першым намеснікам начальніка ўпраўлення сельскай гаспадаркі і харчавання Сенненскага райвыканкама. У 2009 годзе ён становіцца першым намеснікам старшыні, начальнікам упраўлення сельскай гаспадаркі і харчавання Крупскага райвыканкама Мінскай вобласці. У 2012 годзе вяртаецца на Сенненшчыну, дзе займае такую ж пасаду ў Сенненскім райвыканкаме. Апошнія гады працы Леаніда Хірэвіча звязаны з працай у аддзеле занятасці насельніцтва і сацыяльна-працоўных адносін упраўлення па працы, занятасці і сацыяльнай абароне Сенненскага райвыканкма.

«ГС».