Пенсіянер з вёскі Рулёўшчына Сенненскага раёна ўстроіў крывавую разню ў доме знаёмага
У вёсцы Старая Беліца адбылася страшная трагедыя. Жыхар Рулёўшчыны, пенсіянер, захапіў у заложнікі сям’ю, нанёс некалькі нажавых раненняў гаспадару дома, забіў яго дачку. Матывы злачынства застаюцца не высветлеными. Вядома дакладна, што забойца быў цвярозым, раней канфліктаў з пацярпелымі не меў.
… 4 чэрвеня, прыкладна ў 21.50, мужчына ўварваўся ў дом, у якім на той момант знаходзіліся гаспадар, дзве яго дачкі і сын (усіх гэтых людзей ён ведаў толькі наглядна), і запатрабаваў вызваць кіраўніцтва міліцыі і пракуратуры, арганізаваць сустрэчу з прадстаўнікамі ўлады. Патрабаванне ўзбуджанага чалавека было выканана. У міліцыю патэлефанавала малодшая дачка гаспадара дома. Астатнім насельнікам дома, акрамя гаспадара, таксама ўдалося пакінуць памяшканне. Аднак неўзабаве старэйшая дачка вырашыла вярнуцца ў дом, каб узяць адзенне для малодшай. І ўжо адтуль не выйшла, бо злачынца прыняў рашэнне выкарыстоўваць бацьку і дачку ў якасці заложнікаў.
У Старую Беліцу прыехалі пракурор раёна, кіраўніцтва РАУС, аддзела Следчага камітэта. Перамовы вяліся не адну гадзіну, у іх удзельнічалі, у тым ліку, родныя чалавека, які ўтрымліваў заложнікаў, але безвынікова — канкрэтныя патрабаванні не выстаўляліся.
У рэшце рэшт гаспадару дома, у якога былі зламаны пальцы, меліся шматлікія раненні, удалося вырвацца на волю. Але у доме заставалася заложніца. Па словах часова выконваючага абавязкі начальніка Сенненскага аддзела Следчага камітэта Аляксандра Мізаўцова, штурмаваць дом не рашаліся, бо злачынца пагражаў дзяўчыне забойствам, трымаў яе ўвесь час каля сябе.
Калі ж раніцай 5 чэрвеня байцы палка спецыяльнага назначэння ўварваліся ў памяшканне, пенсіянер сядзеў у крэсле. Цела мёртвай дзяўчыны знайшлі на печы.
У адносіне да затрыманага ўзбуджана крымінальная справа згодна з ч.2 арт.139 Крымінальнага кодэкса Рэспублікі Беларусь. За забойства яму пагражае тэрмін утрымання ў турме ад 5 да 18 гадоў або пажыццёва.