Депутаты Витебского областного Совета встретились с жителями Сенненщины
Па даручэнні губернатара вобласці Аляксандра Косінца ў рэгіёне прайшлі сустрэчы дэпутатаў абласнога Савета ў працоўных калектывах.
У нашым раёне пабывалі дэпутаты аблсавета Алег Мацкевіч, які сустрэўся з калектывам цэнтральнай раённай бальніцы, і Мікалай Яшчук — выступіў перад рабочымі ўнітарнага прадпрыемства «Насенняводчы саўгас імя Данукалава».
У медыкаў да намесніка старшыні Віцебскага аблвыканкама было нямала пытанняў па ахове здароўя: даўкамлектаванне ЦРБ нестаючым абсталяваннем, завяршэнне рамонту памяшканняў, рамонт кацельнай Багушэўскай бальніцы. Дэпутату аблсавета, дырэктару дарожнай арганізацыі, задаваліся адпаведныя пытанні: рамонт пад’езда да станцыі Бурбін, дарогі па населеным пункце Полымя, уладкаванне трубапераходу каля сельскага Дома культуры і г.д.
Дэпутаты абласнога ўзроўню па магчымасці адказалі і на іншыя актуальныя і злабадзённыя пытанні, якія сёння хвалююць людзей малых гарадоў і вясковых населеных пунктаў.