ВІНШУЕМ СА СВЯТАМ!
ШАНОЎНЫЯ ЖЫХАРЫ СЕННЕНШЧЫНЫ
Няма на свеце больш радаснага, вясёлага і доўгачаканага свята, чым Новы год. У ім — нараджэнне мар, у ім — яднанне і вера. За некалькі гадзін да яго наступлення мы быццам зноў перажываем усё тое, што адбылося з намі ў адыходзячым годзе.
2011 год быў насычаным разнастайнымі падзеямі, быў удалым і адначасова напружаным. Развітваючыся з ім, хочацца выказаць сардэчную ўдзячнасць вам, дарагія сенненцы, за плённую працу на карысць нашай дзяржавы. Жыхары раёна дастойна жылі і працавалі ў адыходзячым годзе. Нам ёсць чым ганарыцца. Дасягненні ў прамысловасці, сельскай гаспадарцы, сацыяльным і бытавым абслугоўванні насельніцтва, адукацыі і культуры пераконваюць у гэтым. Дасылаем словы шчырай удзячнасці ўсім, хто плённа шчыраваў дзеля таго, каб родны сенненскі край заставаўся разнай прыгожым, утульным і гасцінным кутком Беларусі.
Дарагія сябры! Напярэдадні Новага года ад шчырага сэрца жадаем вам усяго таго, што заўжды жадаюць самым блізкім людзям, — шчасця, здароўя, узаемаразумення, стабільнасці і сямейнага дабрабыту.
З Новым годам вас! З новым шчасцем! З новымі надзеямі на заўтрашні шчаслівы дзень!
Раённы выканаўчы камітэт.
Раённы Савет дэпутатаў.
ШЧАСЦЯ ВАМ, МІРУ І ДАБРЫНІ
Новы год — гэта любімае сямейнае свята, якое напаўняе нашы сэрцы верай, надзеяй і дабрынёй.
Жадаю вам, дарагія сенненцы, каб усё добрае, што радавала вас у зыходзячым годзе, абавязкова знайшло свой працяг у надыходзячым.
Упэўнены, 2012 год прынясе новыя перамогі і дасягненні. Актыўна ўдзельнічаючы ў жыцці рэгіёна, разам мы здолеем дасягнуць тых высокіх мэт, што ставім перад сабой. Наша будучыня залежыць ад намаганняў кожнага чалавека, ад ініцыятыў, эфектыўнай працы, зацікаўленасці ў агульным выніку — стабільнасці і росквіту жыхароў Сенненшчыны.
Хай светлыя калядныя дні дадуць нам сілы для рэалізацыі задуманых планаў, умацуюць мір, любоў, падораць згоду і ўзаемаразуменне на працы і ў сям’і.
Ад усёй душы жадаю вам прафесійных і асабістых поспехаў, моцнага здароўя вам і вашым блізкім, святочнага настрою.
Шчасця вам, міру, дабрыні і любві!
З Новым годам!
Аляксандр Папкоў,
дэпутат Палаты прадстаўнікоў
Нацыянальнага сходу
Рэспублікі Беларусь.
