Александра Черкасова стала призером в конкурсе творческих работ, посвященных Году народного единства
Умела падбіраць рыфмы да слоў і фармуляваць свае думкі, а потом выказваць іх на паперы — задача не з простых. Але Аляксандра Чаркасава, вучаніца 6 “Б” класа ДУА «Багушэўская сярэдняя школа імя А.Э.Марфіцкага Сенненскага раёна», даказвае адваротнае. Дзяўчынка стала пераможцай трэцяй ступені ў конкурсе творчых работ, прысвечаным Году народнага адзінства ў намінацыі “Вершы і апавяданні пра свой край”, які быў арганізаваны нацыянальнай акадэміяй навук Беларусі, цэнтрам даследвання беларускай культуры, мовы і літаратуры.
— Аляксандра вельмі таленавітая і старанная дзяўчынка, якая тонка адчувае літаратуру, добра валодае словам,- характарызуе вучаніцу Наталля Новікава, намеснік дырэктара па выхаваўчай рабоце.
З цягам часу захапленне юнай паэткі выйшла за рамкі творчых заданняў па літаратуры. Аляксандра стала рыфмаваць радкі проста для сябе. У дзяўчынкі, нават, ёсць спецыяльны сшытак, дзе на паперы яна адлюстроўвае свае думкі. Вершы Аляксандра піша пераважна пра прыроду і Радзіму, з выкарыстаннем вялікай колькасці эпітэтаў і метафар, што надае тэксту непаўторную глыбіню і яскравасць.
Вялікая заслуга ў гэтым і калектыва педагогаў, якія змаглі разгледзіць у дзяўчынцы відавочны талент. У асаблівасці Марыі Сцепанец, настаўніка рускай мовы і літаратуры, пад кіраўніцтвам якой і ішла падрыхтоўка да конкурса.
— Калі прыходзіш у клас, заўсёды ёсць вучні, якія складаюць настаўніцкае шчасце. У 6 “Б” усе выхаванцы добра сябе праяўляюць, але Саша адрозніваецца. Дзяўчынка заўжды вельмі шмат чытае мастацкай літаратуры, захоплена паэзіяй. Характэрна тое, што практычна ўсе вершы, якія мы вывучаем, яна завучвае на памяць. А пасля радуе ўсіх іх душэўным чытаннем. Не сумняваючыся ў творчых здольнасцях Аляксандры, мы вырашылі паспрабаваць сябе ў конкурсе, і як паказаў час, недарэмна. Перамога была нечаканай, але вельмі прыемнай, — падкрэслівае Марыя Сцепанец, настаўнік рускай мовы і літаратуры.
Трэба адзначыць, што мінулы год стаў прадуктыўным для дзяўчынкі ў творчым плане. Яна заняла 3 месца ў школе і 6 у вобласці ў Рэспубліканскім конкурсе па рускай мове «Жураўлік». Стала пераможцай раённага этапа і ўдзельніцай абласнога этапу Рэспубліканскага конкурсу чытальнікаў «Жывая класіка». Таленавітая дзяўчынка паспявае не толькі добра вучыцца, удзельнічаць у розных конкурсах і ў грамадскім жыцці школы, але і наведвае разнастайныя аб’яднанні па інтарэсах, у тым ліку аб’яднанне «Проба пяра».
Акрамя ўсяго іншага, дзяўчынка захоплена музыкай. Наведвае мясцовую музычную школу, дзе вучыцца іграць на фартэпіяна і флейце.
Нягледзячы на тое, што Аляксандра праяўляе відавочны творчы талент, прафесію, яна абрала зусім з супрацьлеглай сферы дзейнасці. Дзяўчынка ў будучым хоча стаць праграмістам.
Ну што ж, пажадаем ёй далейшых творчых поспехаў.
Ксенія КРУПСКАЯ.
Фота аўтара.
