На Сенненшчыне адкрылася школа для пчалаводаў.
У Сенненскай школе-інтэрнаце пры садзейнічанні камітэта па сельскай гаспадарцы і харчаванні аблвыканкама адкрыліся курсы пчалярства. Праграма, па якой вучацца аматары «салодкай справы», распрацавана Лужаснянскім аграрным каледжам.
За два тыдні слухачы атрымаюць карысныя тэарэтычныя і практычныя веды. 72 гадзіны заняткаў з імі будзе выкладчык курсаў Леанід Чумакоў. На першым патоку (а плануецца яшчэ і другі) навучаюцца тыя, хто працуе ці мае намер працаваць на пасеках сельгаспрадпрыемстваў, а таксама аматары.
Пасля заканчэння навучання «курсанты» здадуць экзамены і атрымаюць трэці разрад пчаляра.