У Навагодняй гонцы стартавалі больш за 100 спартсменаў
Навагодняя лыжная гонка, якая традыцыйна праводзіцца ў Сянно напярэдадні галоўнага свята года, прайшла ў апошні раз 29 снежня. Удзел у ёй прынялі выхаванцы Сенненскай спецыялізаванай дзіцяча-юнацкай спартыўнай школы, госці з Новалукомскай ДЮСШ і СДЮШ «Алімпіец» г.Віцебска — усяго 107 юных спартсменаў.
Спаборніцтвы праходзілі ў трох узроставых групах. Старэйшыя ўдзельнікі гонкі памераліся сіламі на дыстанцыі 3 км, сярэдняй групы — 2,5, малодшай — 1,5 км.
Кожны ўдзельнік гонкі на фінішы атрымаў ад Дзеда Мароза плітку шакаладу і памятны вымпел. Трое самых хуткіх на кожнай дыстанцыі былі ўзнагароджаны яшчэ і дыпломамі.
Л.Іўеў.