Сенненцы часто нарушают природоохранное законодательство
Найчасцей сенненцы парушаюць Правілы вядзення рыбалоўнай гаспадаркі і рыбалоўства. З пачатку года ў раёне было выяўлена 27 выпадкаў супрацьпраўных дзеянняў у гэтай сферы, у тым ліку адно з прыкметамі крымінальнакараемых дзеянняў.
У цэлым, як паведаміў намеснік начальніка аддзела дзяржаўнага кантролю Віцебскай абласной інспекцыі аховы жывёльнага і расліннага свету Вячаслаў Салдатаў, на тэрыторыі Сенненскага раёна за 8 месяцаў бягучага года ўчынена 46 парушэнняў прыродаахоўнага заканадаўства. З іх чатыры датычылі правіл лесакарыстання, два — вядзення паляўнічай гаспадаркі і палявання.
У парушальнікаў канфіскавана 14 сетак агульнай даўжынёй 560 метраў, 10 забароненых прылад рыбалоўства, 1 паляўнічая стрэльба.
У адносінах да асоб, якія здзейснілі проціпраўныя дзеянні, накладзены штраф у памеры больш за 8700 рублёў і прад’яўлена іскаў на замяшчэнне нанесенай навакольнаму асяроддзю шкоды на суму ў 2020 рублёў.
Ул.інф.