Нет техосмотра — получи штраф. С 21 по 30 ноября на территории Сенненского района пройдет общереспубликанская декада «Гостехосмотр»
Акцыя праводзіцца ў мэтах узмацнення кантролю за своечасовым праходжаннем дзяржаўнага тэхнічнага агляду транспартных сродкаў, прафілактыкі дарожна-транспартных здарэнняў, учыненых па прычыне тэхнічнай няспраўнасці аўтамабіляў.
У ходзе дэкады супрацоўнікі УП “Белтэхагляд”, Транспартнай інспекцыі па Віцебскай вобласці і дзяржаўтаінспекцыі РАУС правядуць комплексныя рэйды з мэтай выяўлення транспартных сродкаў , якія эксплуатуюцца без допуску да ўдзелу ў дарожным руху (адсутнасць налепак на лабавым шкле), а таксама якія маюць выразныя неадпаведнасці па знешнім выглядзе. Асаблівая ўвага будзе надавацца кантролю за сапраўднасцю адзнакі ў сертыфікаце да пасведчання аб рэгістрацыі. Для гэтага будзе арганізаваны аператыўны доступ да электронных баз УП “Белтэхагляд”.
Як адзначыў інжынер філіяла УП “Белтэхагляд” па Віцебскай вобласці Сяргей Краўчанка, каб пазбегнуць непрыемнасцяў на дарозе, кожны ўладальнік транспартнага сродку павінен сачыць за яго тэхнічным станам і своечасова прадастаўляць яго на дзяржаўны тэхнічны агляд. Дарэчы, вадзіцелі, якія карыстаюцца няспраўнымі аўтамабілямі, заплацяць штраф у памеры ад адной да трох базавых велічынь, за паўторнае на працягу года парушэнне – ад двух да пяці базавых велічынь.
Ларыса МУКАМОЛАВА.
