Устаноўлены снежны рэкорд
Небывалы для першай дэкады лістапада слой снегу ў 16 см назіраўся 10 лістапада ў Віцебску.
Папярэдні максімум вышыні снежнага покрыва быў зафіксаваны ў 1947 годзе – тады ў гэты дзень у горадзе было 11 см снегу.
Як паведамілі сіноптыкі, за 10 дзён лістапада цыклоны высыпалі на рэгіён месячную колькасць ападкаў (44-49 мм). Самыя моцныя снегапады адзначаліся 6-7 лістапада. Раніцай 10 лістапада вышыня снежнага покрыва па вобласці складала ад 9 см у Оршы да 26 см у Езярышчы.
У Сянне вышыня снежнага покрыва склала 10 см. Па словах метэаролагаў, 9 см снегу – гэта паказчык характэрны для сярэдзіны снежня, а 26 см збіраецца толькі напрыканцы зімы.
З-за снегападу ў Віцебскай вобласці былі абясточаны 46 населеных пунктаў. У Сенненскім раёне праблем з электразабеспячэннем не зафіксавана.
Ларыса МУКАМОЛАВА.
Фота Ірыны ХАСАНАВАЙ.