Аб’яўлены конкурс
У сакавіку наступнага года беларуская міліцыя адзначыць юбілей – 100 гадоў з дня ўтварэння. Да яго Міністэрства ўнутраных спраў краіны аб’явіла конкурс на лепшы літаратурны, мастацкі і музычны твор аб органах унутраных спраў.
Прыняць удзел у ім запрашаюцца творчыя саюзы і калектывы рэдакцый перыядычных выданняў, асобныя аўтары. Згодна з умовамі конкурсу ўдзел у ім могуць прыняць і дзеючыя супрацоўнікі міліцыі, ветэраны, члены іх сем’яў.
Конкурс праводзіцца па некалькіх намінацыях: “Лепшы малюнак “Міліцыя вачыма дзяцей”; “Лепшы твор выяўленчага мастацтва, прысвечаны беларускай міліцыі”; “Лепшая фотаработа аб беларускай міліцыі”; “Лепшы плакат (білборд) аб беларускай міліцыі”; “Лепшы літаратурна-мастацкі твор аб беларускай міліцыі ў прозе”; “Лепшы паэтычны твор, прысвечаны беларускай міліцыі”; “Лепшая песня аб беларускай міліцыі”.
Работы з абавязковай адзнакай “На конкурс да 100-годдзя беларускай міліцыі” не пазней як 1 кастрычніка бягучага года накіроўваюцца ў МУС: 220030, г.Мінск, вул.Берсана, 16, Міністэрства ўнутраных спраў, Цэнтр культурна-выхаваўчай работы.
Больш падрабязную інфармацыю аб умовах правядзення конкурсуможна знайсці ў раздзеле “Да 100-годдзя беларускай міліцый” на афіцыйным сайце МУС (www.mvd.gov.by).
Ул.інф.