Сем навучэнцаў Сянно і раёна скончылі школу з медалямі
Выпускныя вечары ў школах Беларусі прайшлі 10-11 чэрвеня.
Сёлета атэстаты аб сярэдняй адукацыі на Сенненшчыне ўручаны 179 выпускнікам. Яшчэ 230 чалавек атрымалі дакумент аб агульнай базавай адукацыі.
Сем навучэнцаў скончылі школу з медалямі. У тым ліку пяцёра сталі залатымі медалістамі. Гэта Дзмітрый Шацько (СШ №1 г.Сянно), Аляксандр Кавалёў (Машканская ДССШ), Наталля Ермашкевіч (Ходцаўская ДССШ). Найвышэйшай ўзнагародай за выдатную вучобу адзначаны адразу дзве выпускніцы Багушэўскай СШ №2 Анастасія Осіпава і Анастасія Захарэўская.
Уладальнікамі срэбных медалёў сталі вучань СШ №2 г.Сянно Аляксей Кацура і выпускніца Багушэўскай першай школы Анастасія Чумакова.
Ірына Хасанава.
Фота аўтара.
