У Сенненскай цэнтральнай раённай бібліятэцы аформлены выставы кніг айчынных выдавецтваў
У Сенненскай цэнтральнай раённай бібліятэцы аформлены выставы кніг айчынных выдавецтваў.
Бібліятэкары, прапануюць увазе сваіх чытачоў выпушчаны выдавецтвам «Мастацкая літаратура» альбом «Радзівілы. Нясвіж. Замак.» У экспазіцыі прадстаўлена кніга «Гісторыя Беларусі», выдадзеная «Беларускай энцыклапедыяй».
Наведвальнікі выставы могуць таксама пазнаёміцца з творамі П.Броўкі, І.Шамякіна, І.Чыгрынава выдавецтва «Бібліятэка Саюза пісьменнікаў Беларусі».
Цікавасць выклікаюць кнігі серый «Жыццё знакамітых людзей Беларусі» (ЖЗЛБ), «Мая беларуская кніжка», «Беларуская проза ХХ стагоддзя» і іншых.
На выставе змешчаны таксама беларускія часопісы «Полымя», «Нёман», «Роднае слова».
