Удзельнікамі акцыі «Чысты лес» на Сенненшчыне сталі 320 чалавек.
11 кастрычніка ў Беларусі ўжо шосты год запар па ініцыятыве Міністэрства лясной гаспадаркі праводзілася агульнарэспубліканская акцыя «Чысты лес» .
Супрацоўнікі ўсіх лясніцтваў ДЛГУ «Багушэўскі лясгас» ачышчалі ад смецця прыдарожныя палосы, месцы адпачынку, тэрыторыі вакол населеных пунктаў.
Да лясгасаўцаў далучыліся працаўнікі КУСГП імя Гараўца, вучні СШ №1 гарадскога пасёлка ў колькасці 30 чалавек. Дзевяць навучэнцаў Сенненскай школы-інтэрната дапамагалі супрацоўнікам Сенненскага лясніцтва ў пасадцы дрэў. Недалёка ад аграгарадка Белая Ліпа падлеткі высадзілі звыш 900 саджанцаў лістоўніцы.
Удзельнікамі акцыі «Чысты лес» на Сенненшчыне сталі 320 чалавек. Іх намаганнямі было сабрана і ліквідавана 150 м куб. смецця.
Ірына ХАСАНАВА.
