У вёсцы Маргойцы Беліцкага сельсавета Сенненскага раёна згарэў жылы дом
Па стане на 14 ліпеня 2014 года на тэрыторыі Сенненскага раёна адбылося 25 пажараў, на якіх загінулі 2 чалавекі. За аналагічны перыяд мінулага года зафіксавана 17 пажараў, 3 гібелі. Асноўнай прычынай здарэнняў застаецца неасцярожнае абыходжанне з агнём.
12 ліпеня ў вёсцы Маргойцы Беліцкага сельсавета загарэўся жылы дом. У выніку агнём знішчана пабудова разам з маёмасцю яго гаспадара. Па папярэдніх дадзеных прычынай пажару паслужыла няспраўнасць тэлевізара.
Ірына ГАРБАЧОВА.