Сенненскі Чырвоны Крыж абвяшчае дабрачынную акцыю “Калядная ёлка”
Новы Год — гэта свята, якое дорыць новыя надзеі, мары і веру ва ўсё лепшае і светлае, што чакае ў надыходзячым годзе. Гэтыя снежаньскія дні мы жывем у прадчуванні дзівоснага, але кожны з нас можа сам здзейсніць цуда і падарыць радасць навагодніх і калядных святаў тым, хто па волі лёсу апынуўся ў складаным становішчы.
Раённая арганізацыя Беларускага Таварыства Чырвонага Крыжа запрашае жыхароў Сенненшчыны, індывідуальных прадпрымальнікаў, працоўныя калектывы прыняць удзел у дабрачыннай акцыі «Калядная ёлка». Яе адрасатамі стануць дзеці з малазабяспечаных сямей, сіроты, інваліды. У Сенненскай арганізацыі БТЧК прымаюць любую дапамогу. Звяртацца можна па адрасе: горад Сянно, вуліца Кастрычніцкая, 10.
