Беліцкая дзіцячы сад-сярэдняя школа атрымала падарунак ад Нацыянальнага банка і Нацыянальнай бібліятэкі Рэспублікі Беларусь
Дзякуючы старшыні Праўлення Нацбанка Надзеі Ермаковай, адміністрацыі галоўнай бібліятэкі краіны, у прыватнасці, загадчыцы сектара ўнутрырэспубліканскага дакументаабмену і пераразмеркавання аддзела камплектавання фондаў Марыяне Жукоўскай, кніжны фонд школьнай бібліятэкі папоўніўся на 220 паасобнікаў. Перадача кніг, а сярод іх дапаможнікі па школьных прадметах, энцыклапедыі, мастацкая літаратура, прайшла ў рамках рэспубліканскай акцыі «Беларускую кнігу — у рэгіёны». Яе ініцыятарам выступіла Нацыянальная бібліятэка.
Мясцовыя школьнікі з задавальненнем карыстаюцца падоранай літаратурай, а супрацоўнікі навучальнай установы не перастаюць дзякаваць удзельнікам акцыі за цудоўны падарунак і прызнаюцца, што для школьнай бібліятэкі — гэта сапраўды неацэнная дапамога. Па сутнасці, яна з’яўляецца першым і, нярэдка, адзіным звяном у далучэнні дзяцей да чытання, а для дасягнення гэтай высокай мэты многа кніг не бывае.