На Сенненщине подвели итоги смотра-конкурса на лучшее новогоднее оформление

 У апошнія дні года ў райцэнтры прыкметна стала больш святла. У адміністрацыйных будынках, на тэрыторыях арганізацый запалілі навагоднюю ілюмінацыю, у тым ліку дзякуючы распараджэнню райвыканкама аб правядзенні конкурсу.

 На днях падвялі яго вынікі. Граматамі райвыканкама за трэцяе месца ўзнагароджаны РКЦ “ААТ “Белаграпрамбанк”, ДРБУ-146, РАНС; другое месца – у РЭСа, ДЭУ-38, ЦБП №218 “ААТ “ААБ “Беларусбанк” . А пераможцамі сталі арганізацыі, якія знаходзяцца побач: раённая ветстанцыя і раён газазабеспячэння.

 Пры падвядзенні вынікаў улічвалі не толькі насычанасць ілюмінацыямі, чым пераўзышла ўсіх ветстанцыя. Конкурс праводзіцца ў раёне штогод, таму светлавое афармленне ацэньвалі ў дынаміцы. У гэтым кампаненце выйгрышна выглядае тэрыторыя раёна газазабеспячэння, які штогод атрымоўвае сродкі на гэтыя мэты. У разлік бралася збалансаванасць і арыгінальнасць афармлення, чым вылучалася ілюмінацыя банкаўскіх устаноў, ДЭУ-38. Прыкметна папрыгажэла тэрыторыя РЭСа.

 Граматы кіраўнікам арганізацый, якія вызначыліся ў конкурсе, уручыў старшыня райвыканкама Васілій Чараднік. Ён падзякаваў за сур’ёзныя адносіны да “лёгкага” спаборніцтва. І  ўсур’ёз заўважыў, што ўсё гэта зроблена дзеля людзей, юных сенненцаў.

“ГС”.

Фота Аляксандра Лазюка.