Члены журы, а ў яго ўвайшлі не толькі прадстаўнікі кіраўнічых прафсаюзных органаў, але і выкладчыкі школы мастацтваў, майстры дома рамёстваў, доўга раіліся, каб вырашыць, каму аддаць перавагу, чыя творчасць прадставіць раён на абласным этапе конкурсу. У выніку перамогу аддалі вакальнай групе «Дыскатэка 80-х» са Студзёнкаўскай школы, жаночаму квартэту Багушэўскай абласной туберкулёзнай бальніцы і Святлане Прасвяшчэннікавай, якая, як салістка, выступала ад працоўнага калектыва райспажыўтаварыства.
Сярод майстроў дэкаратыўна-прыкладнога мастацтва здзівіў сваім жывапісным палатном «Пазнай любоў Хрыста» самадзейны мастак Анатоль Шарэнда, сацыяльны работнік упраўлення па працы, занятасці і сацыяльнай абароне райвыканкама. Вытанчанасцю сваіх традыцыйных па форме, спосабе пляцення кошыкаў, пакарыў журы Сяргей Грунтоў, педагог з Ходцаўскай школы. Ён займаецца традыцыйным для Беларусі і нашага рэгіёна лозапляценнем.
— А вось Алена Цярэшка, сябра прафсаюзнай арганізацыі ДУ «Яслі-сад №1 г.Сянно», наадварот звярнула ўвагу на сябе дзякуючы сучаснай тэхніцы, што атрымала назву «алмазная вышыўка». Яе работа «Начны горад» прыемна здзівіла членаў журы, прыцягвала ўвагу наведвальнікаў выставы, — падзялілася ўражаннямі Вольга Квашко, дырэктар дома рамёстваў і старшыня журы, якое ацэньвала творчыя работы дэкаратыўна-прыкладнога мастацтва.
Павышанае прадстаўніцтва ў параўнанні з мінулагоднім конкурсам, больш высокі ўзровень выканальніцкага майстэрства і творчых работ адзначыла намеснік старшыні райвыканкама Зоя Фаміна. Яна ўпэўнена, што на абласным этапе конкурсу сенненцы не будуць статыстамі.
Аляксандр ІЎЕЎ
НА ЗДЫМКАХ: узнагароды самадзейным артыстам уручае Аляксандр Мацуганаў, старшыня раённага аб’яднання прафсаюзаў; у час работы выставы работ дэкаратыўна-прыкладнога мастацтва.
Фота аўтара і Аляксандра Карбоўскага
Члены Сенненской районной организации общественного объединения «Белорусское общество инвалидов», а также сотрудники ТЦСОН посетили Центр безопасности…
Сектор по нестационарным формам обслуживания населения Сенненского РЦКиНТ продолжает работать по проекту «Дорогами наследия». Днями…
Президент Беларуси Александр Лукашенко 22 июля заслушал доклад министра обороны Виктора Хренина, сообщает БЕЛТА. Главе…
Дефицита топлива на АЗС "Белоруснефти" нет. Об этом заявили на предприятии, комментируя появившуюся в Сети…
В последние годы косолапые все чаще стали выходить к людям. В этом году медведица с…
Сегодня, в День памяти Казанской божьей матери, более 30 жителей аг.Мошканы и близлежащих населенных пунктов…
