Красота руками мошканских школьников

Яшчэ крыху і заззяюць буйствам кветак клумбы на тэрыторыі Машканскай ДССШ. Астра, агіратум, цынерарыя, сальвія, петунія і многія іншыя кветкавыя культуры да позняй восені будуць радаваць жыхароў і гасцей аграгарадка.

 А пакуль мы, вучні школы, даглядаем за расадай, якая месціцца ў нашых класах у каробках на падаконніках.

 Ва ўстанове адукацыі вялікая ўвага надаецца працоўнаму і экалагічнаму выхаванню. З малых гадоў хлопчыкам і дзяўчынкам педагогі прывіваюць беражлівыя адносіны да ўсяго жывога. Вучаць не толькі бачыць, але і сваімі рукамі ствараць прыгажосць. Больш таго, з разуменнем адносіцца да праблем экалогіі. У прыватнасці, да збору і перапрацоўкі другаснай сыравіны. Так, у якасці ёмістасці для расады ў школе выкарыстоўваюцца каробкі з тоўстага кардона, якія застаюцца ад харчовых прадуктаў у сталовай, а таксама і тыя, якія мы прыносім з дому.

Не выкідваюцца і пакеты ад малочнай прадукцыі і тэтрапакеты ад сока. З іх на ўроках працоўнага навучання старшакласнікі рыхтуюць, так званыя, “домікі для будучых кветак”. У іх высаджваецца насенне кветкавых культур.

 Настаўніца працоўнага навучання Таццяна Каранеўская заўсёды кажа нам: “Усё, што створана сваімі рукамі з любоўю, не застаецца незаўважаным, тым больш, калі да гэтага маюць дачыненне дзеці”. 

 Таму, калі ласка, летам прыязджайце да нас у школу, ацаніце нашыя намаганні.

Яўген ЯБЛЫКАЎ,

вучань 9 класа Машканскай ДССШ,

  член аб’яднання па інтарэсах

 “Голас юнага краязнаўцы” Сенненскага РЦДіМ.

Фота прадастаўлена Машканскай ДССШ.