Маленькие сенненцы отдохнули на дворовых площадках

Не пакінулі дзятву без увагі на час летніх канікул работнікі раённага цэнтра дзяцей і моладзі. Як паведаміла дырэктар установы пазашкольнай адукацыі Валянціна Каржыцкая, на летні перыяд  планавалася запрасіць дзяцей на 14 дваровых пляцовак, 11 з іх ужо завершылі працу.

У падрыхтоўцы іх да работы, ажыццяўленні мерапрыемстваў прымалі ўдзел не толькі педагогі-арганізатары ЦДіМ, але і педагогі дадатковай адукацыі, а таксама педагогі-сумяшчальнікі, якія працуюць у сельскіх школах раёна. Дваровыя пляцоўкі былі арганізаваны ў аграгарадках Какоўчына, Машканы, Янова, гарадскім пасёлку Багушэўск.

Дзяцей запрасілі прыняць удзел у спартыўна-гульневых праграмах «Дружба», «Мы разам», «Летняя мазаіка», «Вясёлыя старты», «Каралі здароўя», «Шукаем формулу здароўя» і іншых.

Сярод мерапрыемстваў дваровых пляцовак былі запланаваны нават два велапрабегі. Адзін з іх, прысвечаны 70-годдзю вызвалення Беларусі ад нямецка-фашысцкіх захопнікаў, прайшоў напярэдадні гэтай знамянальнай даты ў Багушэўску. Другі прымеркаваны да пачатку новага навучальнага года і адбудзецца таксама ў гарпасёлку.

У пачатку жніўня пляцоўка працавала  ў Сянне, у мікрараёне вуліц Перамогі і Касманаўтаў. Гульнявую праграму «Разам весела гуляць» тут правялі супрацоўнікі Цэнтра дзяцей і моладзі Галіна Жаркова, Алена Сакалоўская і Анастасія Бялко. Дарэчы, Насця — былая выхаванка Цэнтра, а цяпер навучэнка Наваполацкага музычнага каледжа. У час канікул дзяўчына працуе ў ЦДіМ кіраўніком аднаго з аб’яднанняў па інтарэсах.

 Таццяна Буракова.