“Карона”, “жгуцікі”, “павуцінкі”, “фантанчыкі” і многія іншыя назвы прычосак ужо добра ведаюць дзяўчынкі, выхаванкі Ніны Шубка. Маленькія прыгажуні заўсёды з нецярпеннем чакаюць сваёй чаргі, каб папрасіць зрабіць тую ці іншую рукатворную прыгажосць на іх галовах.
У групе дзесяць дзяўчынак. У іх розныя па структуры і даўжыні валасы. Аднак для кожнай з іх у жанчын знаходзяцца варыянты прычосак.
Звычайныя касічкі, хвосцікі тут не вельмі любяць. Калі дазваляе час, маленькім прынцэсам на аснове звычайнага каласка ў крэатыўным выкананні робяць элегантныя прычоскі. Дапамагае Ніне Пятроўне яе памочніца Святлана Пятроўна. У большасці выпадкаў юныя сенненкі спыняюць свой выбар на «каласку» ў выглядзе вянка на галаве. Гэта дазваляе валасам трымаць форму доўгі час і не распускацца. Не кожная мама пойдзе на такую ахвяру, тым больш раніцай, калі трэба як мага хутчэй сабраць дзіця ў сад і самой паспець на працу. Вельмі зручная і практычная прычоска – падабраны каласок. Ён нагадвае касу, якая размешчана па патыліцы, і ў яе паступова ўплецены валасы. Але гэта, бадай, вельмі проста для садаўскіх спецыялістаў.
Вытанчаная французская каса і розныя варыянты прычосак з яе, «касічкі-змейкі, “рыбін хвост” – невялікі пералік таго, што ўмеюць жанчыны.
На першы погляд можа здацца, што прыгожая прычоска з каласкоў — вельмі складаная справа, для гэтага патрэбны спецыяльныя веды і ўменні. Усё значна прасцей. Варта проста асвоіць тэхніку іх пляцення, упэўнены Ніна Пятроўна і Святлана Пятроўна. Яны ніякіх спецыяльных курсаў не заканчвалі. Вучыліся на сваіх падапечных. А сёння і самі перадаюць уменні дзяўчынкам, наладжваючы ролевыя гульні. Для гэтага выкарыстоўваюць спецыяльны дзіцячы набор для юнага цырульніка, які зрабіў і падарыў установе дашкольнай адукацыі вядомы сенненскі індывідульны прадпрымальнік Юрый Удот. Праўда, гэты столік з рознымі прыстасаваннямі знаходзіцца ў распараджэнні суседняй групы. Таму даводзіцца час ад часу запазычваць у іх. Але чаго толькі не зробіш для сваіх выхаванцаў – яны ў нас самыя лепшыя, упэўнены жанчыны.
Ала ЯКАЎЛЕВА.
Фота аўтара.
Профсоюзный лидер аграриев Витебщины Татьяна Диканова посетила Сенненский район с важной миссией — передала труженикам…
Предупреждение загораний в природных экосистемах и минимизация их последствий – главная цель специального профилактического мероприятия…
Президент Беларуси Александр Лукашенко, посещая площадку строительства Национального исторического музея, поручил сделать экспозиции оптимальными, но не скупиться,…
Глава района Александр Клячин, председатель райсовета Михаил Вилюго и работники райисполкома помогают ОАО «Белая липа».…
В Шумилино местный житель в состоянии сильного алкогольного опьянения пытался застрелить милиционера, а затем сбежать,…
Команда Сенненского района, в состав которой вошли учащиеся СШ № 1 райцентра, представляла Витебскую область…