Іван Прусаў, галоўны сейбіт кукурузы ў ААТ “Белая Ліпа”.
У ААТ “Белая Ліпа” сёлета пад кукурузу на зялёны корм адвялі 410 га ворыўнай зямлі, што на 100 га больш, чым летась. І амаль на ўсёй гэтай плошчы сяўбу правёў Іван Прусаў.
— Толькі ў апошнія некалькі дзён побач працавала тэхніка і механізатары Віцебскай інтэграцыйнай структуры, — даверліва расказаў ён. — У іх тэхніка больш прадукцыйная, ды і работу яна дазваляе весці на больш высокім тэхналагічным узроўні — усё ж такі Амазон. Хаця і Беларус з АПП-6 паказвае высокую выпрацоўку і якасць.
Мой знаёмец упэўнены, што і сам справіўся б з работай. Аднак важна было не проста пасеяць, а пасеяць у адпаведнасці з тэхналагічнымі тэрмінамі. Як гэта зрабілі, высяваючы яравы рапс, раннія зерневыя культуры. Тым самым паклаўшы важкі камень у падмурак будучага ўраджаю.
Іван Прусаў — адзін з самых вопытных механізатараў сельгасарганізацыі, можа працаваць фактычна на любой тэхніцы, у тым ліку самаходнай. Так што не выключана, прыйдзе час, і ён займецца нарыхтоўкай кармоў, уборкай зерня.
Большасць палеткаў, занятых кукурузай, добра ўгноены, бо размешчаны паблізу ад малочных таварных ферм. Такі выбар тлумачыцца яшчэ адной нагодай — менш будзе затрат пры закладцы сіласу.
Аляксандр ЯЎГЕНАЎ.
Фота аўтара.
Сотрудники Государственного учреждения «Государственный энергетический и газовый надзор» совместно с ГПО «Белэнерго» и ГПО «Белтопгаз»…
При Белорусской партии «Белая Русь» создано молодежное партийное движение под названием «Искра». Такое решение было…
В Беларуси планируется создать единую систему оплаты проезда, которая будет действовать как в Минске, так…
Беларусь и Ливия восстанавливают интенсивные отношения. Об этом Президент Беларуси Александр Лукашенко заявил на встрече…
Из спелой тыквы можно приготовить множество разнообразных блюд, но самым любимым у большинства кулинаров является именно…
Наведем порядок вместе! В целях благоустройства населенных пунктов и иных территорий района 25 октября на…