Самой интеллектуальной признана команда центральной районной больницы “Медведики”

Сенненскай ЦРБ «Мядзведзікі» перамагла ў раённым інтэлектуальным турніры «Што? Дзе? Калі?» сярод працоўнай моладзі.

 За кубак пераможцы змагаліся 7 каманд. Навічкамі спаборніцтва выступілі эрудыты з РУП ЖКГ.

 Гульня складалася з двух тураў. Не была абмежавана адной тэматыкай. Пытанні былі рознабаковыя. Канкурсантам прапаноўвалася праверыць сваё веданне культуры, мастацтва, гісторыі.

 Па выніках сустрэчы вызначылася тройка лідараў. Трэцяе месца аказалася ў каманды райвыканкама, другое занялі прадстаўнікі філіяла ВУ «Чашнікігаз”. Уладальнікамі пераходнага кубка турніру «Што? Дзе? Калі?», а таксама каштоўнага падарунка ад яго арганізатара – РК ГА «БРСМ» — сталі медыкі. Варта адзначыць, што «Мядзведзікі» на працягу некалькіх гадоў трымаюць лідарства ў спаборніцтве. Каманда ў поўным складзе заўсёды прымае ў ім удзел. І, нягледзячы на тое, што Дзмітрый Шчалкуноў і Андрэй Іваноў,  ужо не працуюць у ЦРБ, сёння іх жыццё звязана з Віцебскам, аднак не прапускаюць ніводнай гульні. Заўсёды прыязджаюць у Сянно, каб падтрымаць сваіх былых калег.  

 Ала ЯКАЎЛЕВА.