В выходные в Немойте не скучают

Дэкаратыўны гурток «Радуга талантов», што працуе на базе Нямойтаўскага сельскага Дома культуры, аб’яднаў аматараў мастацкай творчасці, якія лю­бяць фантазіраваць, выдумляць вобразы і ўвасабляць іх у прадметы.

Група юных умельцаў – гэта дванаццаць хлопчыкаў і дзяўчынак рознага ўзросту. Самаму маленькаму — пяць гадоў. Натхняе на працу дзетак, дапамагае рэалізаваць ідэі і, што, бадай, самае галоўнае, раскрываць таленты іх кіраўнік Карына Курс.

«Усё леты мы асвойвалі тэхніку пляцення з бісера, — расказвае Карына Курс. — З верасня заняліся шыццём. І ўжо сёння нам ёсць што паказаць».

З кожным заняткам папаўняецца дзіцячая калекцыя вырабаў з тканіны. Дарэчы, матэрыял для работ юным сенненцам прадаставілі жыхары аграгарадка. Адметна і тое, што вырабы дамой дзеці не забіраюць. Іх выкарыстоўваюць у якасці падарункаў пры правядзенні розных мерапрыемстваў, якія ладзяцца сумесна з супрацоўнікам мясцовай бібліятэкі ў аграгарадку для яго насельнікаў.

План занятасці ў Нямойтаўскім сельскі Дом культуры прадугледжвае арганізацыю заняткаў гуртка па выхадных. І гэта зусім не пужае дзяцей. Заўсёды с задавальненнем яны ідуць на чарговую сустрэчу са сваім кіраўніком.

Па словах Карыны Курс, у планах з надыходам зімы памяняць накірунак дзейнасці: паспрабаваць вырабляць кампазіцыі з раслінных матэрыялаў. З ахвотай у гэтыя дні дзеці нарыхтоўваюць жалуды і каштаны, салому, засушваюць кветкі і лісце.

Ала ЯКАЎЛЕВА.

Фота прадастаўлена К.Курс.