Сёлета ўдзельнікамі традыцыйнага дзіцячага форуму, які прайшоў на Сенненшчыне ў сямнаццаты раз, сталі 258 вучняў з 17 устаноў адукацыі. Дзеці і падлеткі прадстаўлялі сваё майстэрства ў намінацыях «Вакальная творчасць», «Тэатральная творчасць», «Харэаграфічная творчасць», «Тэатр мод», «Выяўленчае мастацтва» і «Дэкаратыўна-прыкладная творчасць». У час выступленняў юных артыстаў падтрымлівалі іх настаўнікі, бацькі, школьныя сябры.
Адкрыў праграму фестывалю танцавальны калектыў «Капельки» Багушэўскай СШ №1. Першым выступаць заўсёды больш складана, чым іншым, але «Капелькі» з гонарам справіліся са сваёй задачай. Дзіцячая шчырасць, непасрэднасць і стараннасць задалі добры тон творчаму конкурсу і стварылі ў зале атмасферу добразычлівасці і дабрыні.
На фестывалі выступіла яго былая пастаянная ўдзельніца Анастасія Бялко, якая была запрошана ў якасці госці. Сенненская «Ранішняя зорка» дала дзяўчыне пуцёўку ў прафесійнае жыццё: Насця стала студэнткай Наваполацкага музычнага каледжа. Госця пажадала юным артыстам задавальнення ад конкурсу і перамог.
Усе ўдзельнікі фестывалю, і «старажылы», і дэбютанты, вельмі стараліся. А гледачы атрымалі масу прыемных эмоцый, і ад канцэртных нумароў, і ад экспанатаў выстаў выяўленчага мастацтва і дэкаратыўна-прыкладной творчасці, бо кожнае выступленне і кожная работа былі цудоўнымі ўжо тым, што ў іх адчувалася душа юных артыстаў, мастакоў і майстроў.
На жаль, абмежаваная газетная плошча не дазваляе падрабязна расказаць пра выступленні і мастацкія творы ўдзельнікаў фестывалю, бо нават толькі пералік яго пераможцаў зойме не адзін дзясятак радкоў.
Найбольшую колькасць прызавых месцаў атрымалі вучні сенненскіх школ (СШ №2 —11, СШ №1 — 8), Машканскай (7), Багушэўскай №1 і Нямойтаўскай школ (па 5 месц), Сенненскага раённага цэнтра дзяцей і моладзі (11). Кіраўнікам гэтых устаноў загадам начальніка аддзела адукацыі аб’яўлены падзякі. За аказанне дапамогі ў правядзенні фестывалю падзякай адзначаны дырэктары СШ №2 г.Сянно, Студзёнкаўскай і Яноўскай школ.
«Ранішняя зорка-2014» завяршылася. Пачынаецца падрыхтоўка да новага фестывалю
Таццяна Буракова.
Фота Андрэя Мурашэвіча.
Президенты Беларуси и России Александр Лукашенко и Владимир Путин подтвердили планы по поставке "Орешника" в…
Вниманию граждан! Налоговые органы Витебской области не используют мессенджеры для связи с налогоплательщиками! В последнее…
Межрайонный кубок по пляжному волейболу среди работающей союзной молодежи прошел в Сенно. Волейбольные баталии развернулись…
ОАО «Беленево» в уборке урожая помогают военные. Не первый год люди в форме – надежные…
Президенты Беларуси и России Александр Лукашенко и Владимир Путин проводят встречу на острове Валаам (Ладожское…
Президент Республики Беларусь Александр Лукашенко сегодня направится с рабочим визитом в Российскую Федерацию. Об этом…