В Сенно прошел велопробег, посвященный Дню народного единства

Велапрабег “У адзінстве наша сіла”, прысвечаны Дню народнага адзінства, прайшоў у Сянне.

Яго арганізатарам выступіў сектар спорту і турызму райвыканкама. Велапрабег аб’яднаў некалькі пакаленняў. Сярод удзельнікаў былі прадстаўнікі арганізацый і прадпрыемстваў раёна, вучні гарадскіх школ разам са сваімі настаўнікамі. Асабліва прыемна было бачыць людзей пенсійнага ўзросту.

Маршрут велапрабегу прайшоў ад парка Трох герояў у райцэнтры да памятнага знаку “Боль” ахвярам гетта, што ўсталяваны недалёк ад вёскі Казлоўка. Калону энтузіястаў было бачна здалёк – у руках яны трымалі беларускія сцягі, кветкі.

“У Год народнага адзінства мы павінны памятаць, якім кош­там нам дасталася Перамога, каб больш ніколі не паўтараць памылак гісторыі, — вітаючы ўдзельнікаў акцыі ўжо на фінішы, адзначыла Ілона Комлева, начальнік сектара спорту і турызму.

– Сёння мы павінны зберагчы і прымножыць усё тое добрае і каштоўнае, што назапашана старэйшым пакаленнем, дзеля будучыні нашых дзяцей”.

Па сцяжынцы памяці людзей, жыццё якіх абарвалося ў далёкім снежні 1941 года, удзельнікаў велапрабегу правёў інструктар-метадыст па турызму ФСК “Алімп” Алег Цярэня. Сенненцы ўсклалі кветкі ля помніка расстраляным яўрэям, хвілінай маўчання ўшанавалі іх памяць.

Гэта наша гісторыя, якую мы павінны шанаваць, не забы­ваць, расказваць нашым дзецям. Той, для каго не існуе мінулага, у таго не будзе будучыні – сышліся на думцы ўдзельнікі велапрабегу.

Ала ЯКАЎЛЕВА.

Фота аўтара.