Свой першы і найважнейшы дакумент вучні школ раёна атрымалі з рук намесніка старшыні райвыканкама Зоі Фаміной.
Цырымонія ўручэння праходзіла ў прысутнасці афіцыйных асоб, якія прадстаўлялі органы ўлады, а таксама настаўнікаў і бацькоў. Актавая зала дзіцячай школы мастацтваў была запоўнена старэйшымі таварышамі віноўнікаў урачыстасці. Большасць з іх вылучаюцца актыўнай жыццёвай пазіцыяй, імкнуцца яе адстойваць, працуюць у органах школьнага самакіравання і, нават, структурах прадстаўнічай улады. Як сябры моладзевай палаты ўдзельнічаюць у рабоце сесій раённага Савета дэпутатаў.
Сенненшчына заўжды была багатай на таленты. У гэтыя дні на вуснах многіх беларускіх аматараў спорту, тым больш сенненцаў, зноў імя алімпійскай чэмпіёнкі, біятланісткі Ірыны Крыўко, якая паспяхова выступіла на чэмпіянаце Еўропы ў Раўбічах. Нядаўні выпускнік СШ №1 г.Сянно, а цяпер яе настаўнік, паспяхова сумяшчаючы працу з вучобай у аспірантуры Інстытута гісторыі НАН Аляксандр Бараноўскі, паспеў за кароткі час выдаць яшчэ і некалькі кніжак, прысвечаных славутым ураджэнцам і жыхарам Сенненшчыны. Хто не ведае такіх славутых на ўсю Беларусь асоб як Пётр Машэраў, Заір Азгур, Матрона Маркевіч.
— Яны жылі тут, любілі сваю малую радзіму, працавалі дзеля яе, каб уславіць Беларусь. Канстытуцыя нашай краіны гарантуе сваім грамадзянам не толькі правы і свабоды. Яна яшчэ і абавязвае працаваць дзеля радзімы, абараняць яе пры неабходнасці, як рабілі нашы продкі, — нагадала Зоя Фаміна, перш чым уручыць пашпарты юным сенненцам.
Пра Асноўны Закон Рэспублікі Беларусь, якому, нагадаем, споўнілася 25 гадоў, гісторыю беларускай дзяржаўнасці прысутным у зале нагадалі Сяргей Мяцеліца, начальнік аддзела ідэалагічнай работы, культуры і па справах моладзі райвыканкама, Леанід Казлоў, дырэктар Сенненскай школы-інтэрната для дзяцей-сіроті дзяцей, якія засталіся без апекі бацькоў. Словы патрыятызму, прызнання ў любві да радзімы гучалі ў выступленнях іншых асоб, якія ўзнімаліся на сцэну, каб павіншаваць віноўнікаў урачыстасці з падзеяй, проста выказаць свае пачуцці. Для гэтага была яшчэ адна нагода. Членскія білеты Беларускага рэспубліканскага саюза моладзі атрымалі 12 новых сяброў грамадскай арганізацыі.
Наш кар.
Президент Беларуси Александр Лукашенко, посещая площадку строительства Национального исторического музея, поручил сделать экспозиции оптимальными, но не скупиться,…
Глава района Александр Клячин, председатель райсовета Михаил Вилюго и работники райисполкома помогают ОАО «Белая липа».…
В Шумилино местный житель в состоянии сильного алкогольного опьянения пытался застрелить милиционера, а затем сбежать,…
Команда Сенненского района, в состав которой вошли учащиеся СШ № 1 райцентра, представляла Витебскую область…
В Сенненском районе завершают отопительный сезон. На основании Правил подготовки организаций к отопительному сезону, его…
На базе центральной районной библиотеки прошел тематический семинар ”Библиотека – центр повышения правовосознания и правовой…