В Мошканской школе с учениками говорили о рациональном использовании энергии

Увесь тыдзень у Машканскай школе быў прысвечаны тэме рацыянальнага выкарыстання энергіі.

І невыпадкова, бо 11 лістапада ва ўсім свеце адзначаўся Міжнародны дзень энергазберажэння, падзялілася Крысціна Кушнір, член аб’яднання па інтарэсах “Голас юнага краязнаўцы” Сенненскага РЦДіМ. “Гэты дзень быў заснаваны ў 2008 годзе, — гаварыла пачынаючы карэспандэнт. – Ва ўсіх краінах, дзе ён адзначаецца, праходзяць мерапрыемствы галоўнай задачай якіх з’яўляецца інфармаванне людзей аб важнасці эканоміі энергарэсурсаў, спосабах энергазберажэння і існуючых аднаўляльных крыніцах энергіі. Праводзяцца тэматычныя канферэнцыі, выставы і акцыі”.

 Асноўная мэта, якая стаяла перад педагогамі Машканскай школы, заключалася ў тым, каб скіраваць навучэнцаў на практычныя дзеянні па рацыянальнаму выкарыстанню рэсурсаў, эканоміі электрычнай і цеплавой энергіі. Тым самым паказаць, што іх сберажэнне садзейнічае захаванню клімата на нашай планеце.

 У мерапрыемствах, што прайшлі напрацягу тыдня, прынялі ўдзел усе вучні. Былі праведзены інфармацыйныя і класныя гадзіны. У час віктарын, забаўляльных гульняў, экаўрокаў хлопчыкі і дзяўчынкі абмяркоўвалі шляхі, як навучыцца эканоміць. Вучні малодшага звяна ўдзельнічалі ў конкурсе малюнкаў, праявілі фантазію і незвычайны падыход да пытанняў энергазберажэння, адлюстроўвалі сваё бачанне праблемы. Для самых маленькіх школьнікаў было падрыхтавана пазнавальнае мерапрыемства, дзе галоўны казачны герой Электроша даваў парады як навучыцца эканоміць. А вучні старэйшых класаў распрацавалі лістоўкі, якія раздавалі сваім сябрам, педагогам.

 Ад самога чалавека, яго выхавання залежыць, як ён у жыцці будзе прытрымлівацца правілаў эканоміі ў шырокім сэнсе гэтага слова. Юныя машканцы на дадзеным этапе свайго жыцця засвоілі, што пачынаць трэба з малога: звесці да мінімуму выкарыстанне электраэнергіі ў сваіх дамах, гаварыла Крысціна Кушнір.

Ала ЯКАЎЛЕВА.

Фота прадастаўлена Машканскай школай.