Свой сацыяльна-патрыятычны праект “Хто, калі не мы?” вучні другой гарадской школы абаранялі ў снежні мінулага года на выставе-прэзентацыі ў рамках раённага этапа рэспубліканскага конкурсу БРСМ “100 ідэй для Беларусі”. Нядаўна запланаваны праект удалося ўвасобіць. Зрабілі гэта 10 вучняў другой гарадской школы разам з трыма настаўнікамі.
| Даведка Стаброўскі Васіль Данілавіч — юны партызан атрада «Дзядзі Косці» 1-й брыгады імя.К.С.Заслонава. Нарадзіўся ў в.Шэпетава Талачынскага раёна. У складзе групы А.Ф.Арцішука Васіль Стаброўскі не раз удзельнічаў у баях з карнікамі. Разам з баявымі сябрамі ён падпаліў мост каля вёскі Жураўлі. У адну з восеньскіх начэй 1943 года дыверсійная група, у якую ўваходзіў Вася Стаброўскі, заклала міну пад чыгуначнае палатно паблізу станцыі Талачын. Міна спрацавала. Варожы эшалон паляцеў пад адхон. У студзені 1944 года Васіль Стаброўскі разам з партызанамі-камсамольцамі сышоў на чарговае заданне. Даведаўшыся, што па дарозе недалёка ад вёскі Кулікі Сенненскага раёна рухаецца варожая аўтакалона, смельчакі арганізавалі засаду. Сілы апынуліся няроўнымі, бой прыняў зацяжны характар. У партызанах скончыліся боепрыпасы. Расстраляўшы свае патроны і знішчыўшы больш за дзесяць гітлераўцаў, Вася быў цяжка паранены: аўтаматнай чаргой яму перабіла абедзве нагі. У хлопца застаўся ўсяго адзін патрон, які ён пусціў у сябе. За мужнасць і гераізм у баях з нямецка-фашысцкімі захопнікамі юны партызан быў узнагароджаны ордэнам Чырвонай Зоркі. Разам з дзевяццю баявымі сябрамі адважны падрыўнік Васіль Стаброўскі пахаваны ў вёсцы Вароніна Сенненскага раёна. |
Па словах педагога-арганізатара СШ №2 г.Сянно Вольгі Пернер, пахаванне ўяўляе з сябе дзесяць магільных пліт, што ўраслі ў зямлю. Таму дзецям прыйшлося зразаць з іх дзёран. Каб яны сталі бачнымі, потым пліты зачышчалі ад моху металічнымі шчоткамі і пасыпалі вакол жоўтым пяском. Работа заняла некалькі гадзін.
Пазней актывісты плануюць пафарбаваць магільныя пліты. Старшыня Нямойтаўскага сельвыканкама Анатоль Бараноўскі абяцаў усталяваць на іх новыя шыльды.
Ірына ХАСАНАВА.
В Шумилино местный житель в состоянии сильного алкогольного опьянения пытался застрелить милиционера, а затем сбежать,…
Команда Сенненского района, в состав которой вошли учащиеся СШ № 1 райцентра, представляла Витебскую область…
В Сенненском районе завершают отопительный сезон. На основании Правил подготовки организаций к отопительному сезону, его…
На базе центральной районной библиотеки прошел тематический семинар ”Библиотека – центр повышения правовосознания и правовой…
Президент Беларуси Александр Лукашенко дал интервью телеканалу RT, передает корреспондент БЕЛТА. Интервьюером выступил ведущий RT,…
⚡️На территории Сенненского района проходит профилактическое мероприятие "Пьяному и бесправному не место на дороге!" 🚔Фокус…