Работнікі КУПП «Мясцовыя паслугі» вялі лесанарыхтоўчыя работы ў лясным масіве непадалёку ад населенага пункта. Менавіта яны заўважылі небяспечную знаходку — некалькі снарадаў ляжалі літаральна на паверхні зямлі — і выклікалі сапёраў. Дырэктар прадпрыемства Юрый Усачоў і старшыня Багушэўскага сельвыканкама Вячаслаў Багданаў арганізавалі часовае ачапленне небяспечнага ўчастка.
Спецыялісты сапёрна-піратэхнічнай групы вайсковай часці 5524 унутраных войскаў МУС, якія прыбылі на выклік, выявілі 31 снарад, 11 узрывальнікаў і 1 ручную гранату. Усе боепрыпасы маюць нямецкае паходжанне і нягледзячы на тое, што праляжалі ў зямлі больш за 70 гадоў, па ацэнцы спецыялістаў, уяўлялі рэальную пагрозу для жыцця.
Дарэчы, рабочыя КУПП «Мясцовыя паслугі» аказаліся не першымі, хто заўважыў арсенал. Дагэтуль тут паспелі «пагаспадарыць» «чорныя капацелі» — з двух снарадаў былі вывернуты ўзрывальнікі.
Небяспечныя знаходкі часоў Вялікай Айчыннай вайны былі абясшкоджаны і знішчаны групай размініравання.
Дзякуй Богу, што боепрыпасы знайшлі дарослыя, а калі б на іх месцы аказаліся дзеці, то не выключана паўтарэнне нядаўняй трагедыі, што адбылася ў Бярэзінскім раёне, калі падарваліся трое малалетніх вяскоўцаў, двое з якіх загінулі. Колькі яшчэ такіх смяротных напамінаў аб вайне хаваюцца у недрах зямлі, сказаць немагчыма, але дакладна, што нямала. І выявіць іх не ўяўляецца магчымым. А самае жудаснае, што ў смяротныя пасткі трапляюць дзеці, у якіх цікаўнасць, на жаль, пераважае над пачуццём самазахавання. Таму бацькам, настаўнікам і ўсім дарослым неабходна раз за разам перасцярагаць падрастаючае пакаленне: калі вы знайшлі невядомы металічны прадмет, не набліжайцеся, а тым больш, не чапайце яго. Паведаміце пра знаходку дарослым, гэта зберажэ ваша жыццё.
Вольга БАНДАРЭВІЧ.
На здымку: адзін са снарадаў.
Уважаемые сотрудники и ветераны налоговых органов! Примите искренние поздравления с вашим профессиональным праздником – Днем…
Вся трудовая деятельность и жизнь в целом Галины Даниловой, учителя начальных классов Белицкой СШ, связана…
Сегодня, 12 июля, местами по западу и в крайних северо-восточных районах республики ожидаются грозы. МЧС…
В вузах Беларуси стартует основной прием документов от абитуриентов, сообщает БЕЛТА. Прием документов на бюджет…
В первом туре XXXIV Международного конкурса исполнителей эстрадной песни "Витебск" 14 участников представят мировые хиты.…
Глава государства Александр Лукашенко 11 июля заслушал телефонные доклады министра по чрезвычайным ситуациям Вадима Синявского…
