Юному сенненцу Богдану Сиренко нравится рисовать. По словам мальчика, творческая деятельность помогает уйти от реальности

Багдан Сірэнка, вучань 8 «Б» класа ДУА «Сярэдняя школа №2 г. Сянно імя А.К.Касінцава», заняў першае месца па выніках конкурсу тэматычных плакатаў «В единстве наша сила», які быў арганізаваны ў рамках абласнога грамадзянска-патрыятычнага марафону «Единый» да Дня народнага адзінства.

Беларусь у далонях з сардэчкам унутры, такая маленькая на карце Еўропы, аднак міралюбівая, адкрытая для ўсіх – такімі словамі можна апісаць работу хлопчыка. Яна засталася ў запасніках арганізатараў. Сёння ў Багдана, як напамін аб удзеле ў конкурсе, — дыплом Віцебскага абласнога выканаўчага камітэта і памятныя сувеніры ад галоўнага ўпраўлення ідэалагічнай работы і па справах мола­дзі аблвыканкама, а таксама Сенненскай раённай арганізацыі РГА «Белая Русь».

Гэта далёка не першая перамога юнага сенненца. Ён неаднаразова станавіўся пераможцам і прызёрам як раённых, так і абласных конкурсаў малюнкаў, ар­ганізатарамі якіх выступалі розныя інстанцыі. Багдану складана ўспомніць іх назвы ў сілу таго, што іх шмат. Аднак, не дзеля перамогі адпраўляў ім свае работы. Проста хацелася падзяліцца сваёй творчасцю.

За ўдзел у адным з рэспубліканскіх конкурсаў, у якім ён маляваў веласіпедыстаў, у падтрымку юных алімпійцаў, выйграў паездку ў дзіцячы аздараўленчы лагер «Зубраня». Ёсць вопыт удзелу і ў міжнародных конкурсах. І хацелася б адзначыць – рэзультатыўны. Так, у конкурсе казак за аўтарскую работу «Старый скрипач» быў дыпламантам другой ступені.

Малюе Багдан з дзяцінства. Любоў да творчасці прывіла яму маці, Таццяна Мікалаеўна. У свой час яна працавала нас­таўнікам малявання ў другой гарадской школе. З дапамогай гуашы, акварэлі, фламастэраў спрабуе сябе хлопчык у розных тэхніках. Але перавагу аддае алоўку.

Пейзажы — вось што можна ўбачыць на яго карцінах. Асаб­ліва падабаецца адлюстроўваць на паперы яркую і рознакаляровую восень, а таксама заснежаную зіму. Любіць акцэнтаваць увагу на дробных дэталях.

Пасля школы Багдан Сірэнка плануе звязаць сваё жыццё з прафесіяй 3D-дызайнера. У ёй як нідзе спатрэбіцца ўменне  маляваць.

Ала ЯКАЎЛЕВА.

Фота аўтара.