Аб гэтым засведчылі спаборніцтва, якое праходзіла ў гарадскім пасёлку Обаль Шумілінскага раёна напрыканцы лістапада. Турнір сабраў больш за сотню ўдзельнікаў не толькі з усіх спартыўных школ барацьбы Віцебскай вобласці, а і з іншых рэгіёнаў Беларусі. Ля вытокаў обальскага турніра, якому сёлета ўжо больш за 30 год, стаялі такія трэнеры як абальчанін Пётр Ганушчанка, знакаміты віцебскі трэнер Рэвіз Гігаўры і сенненец Анатоль Кучынскі.
Пачаўся обальскі турнір выступленнямі прызёраў кадэцкіх і юніёрскіх чэмпіянатаў свету і Еўропы па грэка-рымскай барацьбе. Але галоўнымі ўдзельнікамі спаборніцтваў былі самыя юныя спартсмены ад васьмі да дванаццаці гадоў.
Анатоль Кучынскі і Анатоль Рыбчанка, як трэнеры-выкладчыкі былі ўпэўнены ў сваіх выхаванцах. І не памыліліся. У вагавай катэгорыі да 26 кг трэцім стаў Іван Кулік; да 29 кг – Мікіта Саўлевіч, Данііл Красноўскі; да 35 кг – Данііл Воранаў; да 38 кг – Сцяпан Подраз; да 42 кг – Артур Мельцын. А вось Ілле Цюцюнову ў вагавай катэгорыі да 38 кг удалося, пераадольваючы вялікую канкурэнцыю, узняцца на другую прыступку обальскага п’едэстала.
Сенненец Максім Кажарскі – майстар спорту міжнароднага класа, не так даўно выступіў на XXIV Міжнародным турніры па грэка-рымскай барацьбе памяці алімпійскага чэмпіёна Алега Караева. Спаборніцтва праходзіла ў Мінскім Палацы спорту. Гэта былі камандныя выступленні, дзе былі прадстаўлены спартсмены з Грузіі, Украіны, Казахстана, Польшчы, Узбекістана, Расіі і Беларусі. Наша краіна выставіла на турніры дзве каманды. Адна з іх, у складзе якой знаходзіўся Максім, заняла першае месца. На другой і трэцяй прыступках размеркаваліся каманды з Расіі і Казахстана.
Зараз сенненскія барцы рыхтуюцца да новых спаборніцтваў, якія пройдуць у Глыбокім, Віцебску і Мінску. Максім Кажарскі, член нацыянальнай зборнай па грэка-рымскай барацьбе пад нумарам адзін, знаходзіцца на зборах на алімпійскай базе ў Стайках, дзе рыхтуецца да новых міжнародных спаборніцтваў, што пройдуць, як на тэрыторыі Беларусі, так і па-за межамі нашай краіны.
Аляксандр ПАДАРОЖНЫ.
Фота аўтара.
Профсоюзный лидер аграриев Витебщины Татьяна Диканова посетила Сенненский район с важной миссией — передала труженикам…
Предупреждение загораний в природных экосистемах и минимизация их последствий – главная цель специального профилактического мероприятия…
Президент Беларуси Александр Лукашенко, посещая площадку строительства Национального исторического музея, поручил сделать экспозиции оптимальными, но не скупиться,…
Глава района Александр Клячин, председатель райсовета Михаил Вилюго и работники райисполкома помогают ОАО «Белая липа».…
В Шумилино местный житель в состоянии сильного алкогольного опьянения пытался застрелить милиционера, а затем сбежать,…
Команда Сенненского района, в состав которой вошли учащиеся СШ № 1 райцентра, представляла Витебскую область…