Навучэнцы Студзёнкаўскай школы наведалі Сенненскі гісторыка-краязнаўчы музей і экспазіцыю «Зеркало памяти»

 Навучэнцы 5-7 класаў Студзёнкаўскай сярэдняй школы наведалі Сенненскі гісторыка-краязнаўчы музей і экспазіцыю «Зеркало памяти», паведаміла настаўнік беларускай мовы і літаратуры Галіна Спрытула.

Шмат цікавага даведаліся навучэнцы пра экспанаты, якія там знаходзяцца, а іх каля 3200. Падчас экскурсіі вучні дакрануліся да гісторыі Сенненшчыны, ім расказалі пра многія аб’екты: геалагічныя і археалагічныя, помнікі гісторыі і культуры, пазнаёміліся з тапонімамі Сенненшчыны. 

 Асаблівае ўражанне на школьнікаў аказалі экспазіцыі: ”Зямля нашых продкаў“, ”Генацыд на тэрыторыі Сенненскага раёна“, ”Этнаграфія Сенненшчыны“ і экспазіцыя, прысвечаная Матроне Сяргееўне Маркевіч.

 Пры наведванні экспазіцыі ”Зеркало памяти“, прысвечанай генацыду на тэрыторыі Сенненскага раёна, супрацоўнік музея Уладзімір Гардзюк расказаў  вучням  пра жахі нямецкай акупацыі ў 1941-1944гг.

Экскурсія дазволіла дзецям дакрануцца да гісторыі сваёй малой радзімы, адчуць  гонар за дасягненні сваіх землякоў, за стойкасць і мужнасць у гады Вялікай Айчыннай вайны.

«ГС».