В детском саду №1 г.Сенно в торжественной обстановке открыли площадку по изучению Правил дорожного движения

Сёлета першага верасня выхаванцы дзіцячага ясляў-сада №1 райцэнтра запомняць не толькі як Дзень ведаў, але і як свята ўрачыстага адкрыцця пляцоўкі па вывучэнні Правілаў дарожнага руху.

 

“Знаёмства з Правіламі дарожнага руху ва ўстановах дашкольнай адукацыі — жыццёвая неабходнасць, — адзначае Алена Цярэшка, загадчыца ясляў-сада. – Таму адна з галоўных задач педагогаў заключаецца ў тым, каб юныя сенненцы засвоілі асноўныя паняцці сістэмы дарожнага руху і навучыліся найважнейшым правілам паводзінаў на дарозе”.

Менавіта гэта і паспрыяла таму, што на тэрыторыі сада з’явілася свая абуладкаваная тэматычная пляцоўка, ідэю стварэння якой калектыў выношваў даўно. І калі хтосьці скажа, што тут такога незвычайнага, у многіх установах адукацыі раёна такія пляцоўкі ўжо ёсць, то спяшаюся запэўніць, – не такія.

Пляцоўка шматфункцыянальная: на ёй нанесены разметка «праезная частка», «зебра», абсталявана сродкамі рэгулявання – ёсць святлафор, дарожныя знакі.

Каб зацікавіць дзяцей, устаноўлены, нават, пост ДПС, а таксама невялічкі прыпынак для пасажыраў. Выкарыстоўваючы пляцоўку на практыцы, малышы будуць вывучаць дарожныя знакі, вучыцца хадзіць па тратуары, пераходзіць дарогу.

Ва ўстанове адукацыі ёсць і дзіцячыя транспартныя сродкі – веласіпеды, самакаты, якія таксама будуць выкарыстоўвацца на занятках. Выхавацелі ўжо паспелі прадумаць як будзе весціся работа ў гэтым накірунку.

У прыватнасці, для сюжэтна-ролевых гульняў пашылі адзенне, зрабілі макеты дарожных знакаў.  Па словах Алены Цярэшкі, педагогі маюць намер выкарыстоўваць аўтапляцоўку і як дапаможны матэрыял для замацавання ў дзяцей матэматычных ведаў аб колькасці і парадкавым ліку, аб форме і колеры. У гэтым ім будуць дапамагаць намаляваныя на асфальце машына, аўтобус і трактар.

 На ўрачыстым адкрыцці пляцоўкі прысутнічалі Святлана Панушкіна, намеснік начальніка аддзела па адукацыі райвыканкама, Ігар Труханенка, інспектар АДАІ Сенненскага РАУС, якія і перарэзалі сімвалічную чырвоную стужку ў знак адкрыцця своеасаблівага аб’екта.

Пасля чаго для юных сенненцаў была арганізавана забаўляльная праграма, у час якой яны прадэманстравалі свае веды па Правілах дарожнага руху.

 

Ала ЯКАЎЛЕВА.

Фота аўтара.