На працягу пяці гадоў раённыя бібліятэкары з дапамогай перасоўнай бібліятэкі маюць магчымасць абслугоўваць жыхароў аддаленых населеных пунктаў. Правядзенне ў гэтых вёсках свята кнігі і ўшанавання лепшых чытачоў стала добрай традыцыяй.

Нядаўна такое мерапрыемства пад назвай «Мудрасці жыцця вучыцеся ў кніг» прайшло ў в.Алёхнава Студзёнкаўскага сельсавета. Сюды таксама былі запрошаны чытачы з вёсак Шынкава і Зямковічы, якіх арганізатары свята прывезлі на сваім аўтобусе.
Перад пачаткам дзейства ў імправізаванай глядзельнай зале адбылася гутарка старшыні Студзёнкаўскага сельвыканкама Алега Барыткі з вяскоўцамі. Кіраўнік мясцовай улады скарыстаў гэту сустрэчу, каб запрасіць сяльчан з усімі праблемамі і пытаннямі ісці прама ў савет, дзе, як запэўніў Алег Пятровіч, заўсёды падтрымаюць і дапамогуць.
Свята прынесла шмат станоўчых эмоцый, падарыла добры настрой. А сабраліся на яго сапраўды адданыя кнізе людзі. Прагучалі прозвішчы ўсіх актыўных чытачоў. Шмат мастацкай літаратуры чытае Вольга Шурмялёва, якая, як старэйшына в.Алёхнава, дапамагла супрацоўнікам раённай бібліятэкі ў арганізацыі свята. Інтарэс да чытання Вольга Пятроўна прывівае і сваім дзецям. «Нам года не беда, коль душа молода» — гэтыя словы можна сказаць пра Ганну Платонаўну Беляшову, якой заставацца маладой дапамагаюць кнігі.
У кожны прыезд перасоўнай бібліятэкі больш за 30 кніг бярэ пенсіянерка і заўзятая чытачка Зоя Фёдараўна Зубец. Цікава, што сярод актыўных кнігалюбаў ёсць і мнагадзетныя маці. Любоў Уладзіміраўна Шурмялёва вырасціла і выхавала шасцёра дзяцей, мае 15 унукаў, самая малодшая з якіх, як і бабуля, аматарка чытання.
Ёсць сярод вясковых аматараў мастацкай літаратуры і сямейныя пары. Напрыклад, Святлана і Уладзімір Хадановічы. Святлана Сяргееўна знаёмая з бібліятэчнай і клубнай справай не па чутках. Калісьці жанчына сама працавала загадчыцай клуба.
На свята да вяскоўцаў завітаў даўні сябар Сенненскай раённай бібліятэкі Мікалай Траццякоў, вядомы расійскі паэт, член Саюза пісьменнікаў Расіі, член-карэспандэнт Пятроўскай акадэміі навук і мастацтваў, кандыдат тэхнічных навук, аўтар шэрагу зборнікаў вершаў, многія з якіх прысвечаны Беларусі. Мікалай Афанасьевіч прачытаў некалькі сваіх твораў і выканаў песню, напісаную на словы яго вершаў.
Запрошаныя на мерапрыемства жыхары вёсак з задавальненнем прынялі ўдзел у музычнай гульні-жарце «Чытанне думак». Цудоўныя песні і прыпеўкі прагучалі для ўдзельнікаў свята ў выкананні самадзейных артыстаў Раісы Усціновіч, Аляксандра Васілёнка, Ларысы Пагарэльскай, Святланы Бянцяй.
Таццяна Буракова.

admin

Recent Posts

Митинг, посвященный 108-й годовщине Октябрьской революции, пройдет в Сенно

Митинг, посвященный 108-й годовщине Октябрьской революции, пройдет в райцентре 7 ноября в 11.00. В нем…

34 минуты ago

В УЗ «Сенненская ЦРБ» состоялось открытие современного эндоскопического кабинета

В УЗ «Сенненская ЦРБ» в торжественной обстановке состоялось открытие современного эндоскопического кабинета. Открытие кабинета стало возможным…

18 часов ago

Лукашенко заслушал доклады глав Комитета госконтроля и МВД

Президент Беларуси Александр Лукашенко 5 ноября заслушал доклады председателя Комитета государственного контроля Василия Герасимова и…

20 часов ago

Абласны конкурс лялечных тэатраў і батлеечных калектываў “Лялечны свет” прайшоў у Сянне

Традыцыйны абласны конкурс лялечных тэатраў і батлеечных калектываў “Лялечны свет” праходзіць у Сенненскім РЦКіНТ. Удзел…

23 часа ago

На базе Лепельского района проходит областной семинар идеологов, посвященный совершенствованию идеологической работы в регионах Витебской области

На базе Лепельского района проходит областной семинар идеологов, посвященный совершенствованию идеологической работы в регионах Витебской…

24 часа ago

Сенненцы навели порядок в «Роще памяти»

Активисты ОО «БРСМ», ветераны, представители районной организации Коммунистической партии Беларуси, отделения дневного пребывания для граждан…

1 день ago