Мала хто з юных сенненцаў можа сказаць, што асабіста знаёмы хоць з адным пісьменнікам. Навучэнцам чацвёртых класаў другой гарадской школы прадставілася такая магчымасць. На днях яны пабывалі на сустрэчы з самым вясёлым сучасным дзіцячым пісьменнікам — Валерыем Квілорыяй.
Таленавіты аўтар, цікавы суразмоўца і выдатны апавядальнік – менавіта такія словы можна было пачуць ад хлопчыкаў і дзяўчынак, якія на працягу гадзіны з захапленнем слухалі Валерыя Тамазавіча. І з гэтым проста не магчыма не пагадзіцца.
Аўтар расказаў юным чытачам свае вясёлыя гісторыі. У аснове твораў Валерыя Квілорыя неверагодныя прыгоды і забаўныя факты. Ён піша казкі і апавяданні на любы густ. Ёсць спецыяльна для дзяўчынак, для хлопчыкаў і нават для дарослых. Так чацвёртакласнікі пазнаёміліся з літаратурнымі героямі-сябрамі Шуркай і Леркай, даведаліся чаму паляць вярблюды і навошта худзела дзяўчынка Адзя, з якой нагоды быў бунт у талерцы і як малалетнія рыбакі дзялілі трынаццатага карася і многае іншае.
На працягу ўсяго мерапрыемства не сціхаў дзіцячы смех. Юныя сенненцы былі ў захапленні ад атрыманай порцыі бліскучага гумару Валерыя Квілорыя.
Школьнікі мелі магчымасць задаць пісьменніку свае пытанні. Іх цікавіла літаральна ўсё: якія кнігі чытае, яго любімыя аўтары, як пішуцца апавяданні і хто працуе над ілюстрацыяй кніг, адкуль чэрпае тэмы і як з’яўляюцца героі і многае іншае. Адказваючы на пытанні, Валерый Тамазавіч імкнуўся данесці да дзяцей думку пра тое, што менавіта чытанне і самаадукацыя дапамагаюць выйсці са складаных жыццёвых сітуацый.
Жадаючым юным чытачам ён на сваіх кнігах пакінуў аўтограф.
Сустрэча, якая прайшла ў дзіцячай бібліятэцы, атрымалася па-сапраўднаму цёплай і шчырай. Як адзначылі супрацоўнікі бібліятэкі, інтэрнэт і тэлебачанне не заменяць кнігу ў бліжэйшай будучыні. Цікавасць да друкаваных выданняў была, ёсць і будзе. А сустрэчы з пісьменнікамі толькі ўмацоўваюць у сучаснай моладзі жаданне чытаць.
Ала ЯКАЎЛЕВА.
Воспитанников Богушевского детского социального пансионата «Лучезарный» с наступающими новогодними праздниками поздравили сотрудники Витебского пожарного аварийно-спасательного…
Сенненский РОСК сообщает о проведении работы по отбору кандидатов для поступления в высшие учебные заведения…
Глава государства Александр Лукашенко 17 декабря подписал указ №440 о присуждении специальной премии Президента Республики…
«Лидер. Наставник. Стратег» - на Сенненщине впервые прошел районный смотр-конкурс добровольных дружин, задействованных в охране…
Сотрудники ОГАИ Сенненского РОВД сегодня проведут профилактическое мероприятие «На дороге без ошибок!». Усилия правоохранителей будут…
Президент Беларуси Александр Лукашенко 16 декабря подписал указ №435 "О регулировании деятельности банков". Об этом…