Сенненскі “Будаўнік” атакуе і перамагае
Стартаваў чарговы чэмпіянат Віцебскай вобласці па футболе. Сенненская каманда «Будаўнік», выступаючы ў першай лізе, штогод прымае ў ім удзел. На ўрачыстым адкрыцці чэмпіянату падвёў вынікі 2011 года і ўзнагародзіў лепшых гульцоў ФК «Будаўнік» Аляксандр Блізнюк, дырэктар ПМК-64. Прадпрыемства каторы год з’яўляецца фундатарам футбольнага клуба.
У першым туры ФК «Будаўнік» спаборнічаў з камандай ДСЮШАР «Дзвіна» (Віцебск). Матч прайшоў ва ўпартай барацьбе. Лік адкрылі госці, але ўжо ў другім тайме гаспадарам яго ўдалося зраўняць і, нават, выйсці наперад: канчатковы вынік — 2:1.
Футбалісту, які першы забіў гол у вароты суперніка, была ўручана прэмія — 100 тысяч рублёў. Ім стаў Арцём Ладноў. Перамогу нашай камандзе прынёс другі гол, забіты Сяргеем Дадзеркіным.
У другім туры сенненцы гулялі з камандай «Орша-2» і выйгралі з лікам 1:0.
Ірына ГАРБАЧОВА