Сенненскі РАУС інфармуе
Шкоднікі
Узбуджана крымінальная справа ў адносіне да работніка Багушэўскага лясгаса, які пашкодзіў стэлу на месцы растрэлу яўрэяў.
Яшчэ двое багушэўцаў укралі металічныя кастылі і падкладкі, з дапамогай якіх мацаваліся рэльсы пад’язных пуцей базы спіртзавода.
Спрацавала сігналізацыя
У магазіне вёскі Забараўе спрацавала сігналізацыя. Калі туды па выкліку прыехалі міліцыянеры, яны засталі ў краме мясцовага жыхара, які, выбіўшы ў сцяне цэглу, спрабаваў праз пралом вынесці таварна-матэрыяльныя каштоўнасці. Узбуджана крымінальная справа.
Паляванне на веласіпеды
Толькі за адзін дзень, 30 мая, у РАУС зафіксаваны заявы аб крадзяжы чатырох двухколавых машын. У жыхаркі Багушэўска з гаспадарчай пабудовы ўкралі адразу два веласіпеды. Двух веласіпедаў, якія, праўда, належалі розным асобам, не стала з пад’езда дома па вул. Касманаўтаў у Сянно.