СЕННЕНСКІ СПІРТ ПОЙДЗЕ Ў ГЕРМАНІЮ.
У філіяле «Багушэўскі спіртзавод» РУП «Віцебскі лікёра-гарэлачны завод «Прыдзвінне» у апошнія гады адбыліся шматлікія якасныя змяненні.
Рэканструкцыя апаратнага аддзялення з укараненнем новай тэхналогіі брагарэктыфікацыі, аўтаматызацыя кіравання тэхналагічным працэсам, увядзенне ў эксплуатацыю спіральных цеплаабменнікаў для расхаладжвання ацукраванага сусла дазволілі палепшыць якасць прадукцыі і павялічыць магутнасць завода. Самым дасканалым абсталяваннем аснашчана лабараторыя. А набыццё збожжасушылкі дало магчымасць прымаць у гаспадарак збожжа з павышаннай вільготнасцю. У выніку тэхнічнага пераўзбраення аб’ем гатовай прадукцыі складае 653 тысячы далаў у год. Высокую якасць прадукцыі падцверджаюць дыпломы Маскоўскага міжнароднага конкурсу спірту, на якім прадпрыемства тры гады запар — 2009-2011 — займае другое месца.
Завод уваходзіць у пяцёрку лепшых аналагічных прадпрыемстваў Беларусі. Прадукт ідзе не толькі на Віцебскі лікёра-гарэлачны завод, але і карыстаецца попытам медыцынскай, хімічнай і абароннай прамысловасці. Цікавяцца ёй і замежныя партнёры: Туркменістан, Малдова, Грузія. У мінулым годзе наладжана супрацоўніцтва з Германіяй. Сёлета плануецца аб’ём экспартных паставак давесці да 160 тысяч далаў.
Бліжэйшая задача — рэканструкцыя ўчастка вытворчасці спірту з укараненем энергазберагаючых тэхналогій.