Тэатр – маё жыццё!

  Валянціна Цярэнцьева (на здымку) — бібліятэкар і тэатрал ад прыроды. Гэтую мілую жанчыну добра ведаюць самыя маленькія чытачы раёна. Ужо больш за 33 гады яна працуе ў цэнтральнай бібліятэчнай сістэме Сенненшчыны. І больш за сямнаццаць кіруе лялечным тэатрам «Пятрушка», які карыстаецца вялікай папулярнасцю сярод дзяцей не толькі горада, але і сельскай мясцовасці. Часта з пастаноўкамі артысты выязджаюць у дашкольныя ўстановы, сацыяльны прытулак,  ад­дзяленні дзённага знаходжання для інвалідаў. Ведаюць іх і ў Багушэўску, а таксама ў абласным цэнтры.

 Валянціна Тарасаўна расказвае, што яшчэ ў дзяцінстве мела асаблівую цікавасць да тэатра і кнігі. Школьніцай заўжды прымала ўдзел у вучнёўскіх пастаноўках. Пазней, стаўшы дарослай, яна вырашыла звязаць сваё жыццё з бібліятэкай. І паступіла ў Магілёўскі бібліятэчны тэхнікум. Па размеркаванні Валянціна трапіла ў наш раён.

 Многа сіл і энергіі яна аддае лялечнаму тэатру. Не адзін дзясятак спяктакляў пабачылі сеннненцы, а колькі яшчэ задум, адразу і не раскажаш. Цяпер ідзе работа над новай п’есай «Маша і мядзведзь» Георгія Ландау.  Лялечны тэатр  «Пятрушка» прэтэндуе на званне «народнага».

Кацярына КАРПОВІЧ.

Добавить комментарий

Ваш e-mail не будет опубликован. Обязательные поля помечены *