На Сенненшчыне выбралі самых разумных
Вясновы тур інтэлектуальнай гульні «Што? Дзе? Калі?» па традыцыі прайшоў у кафе «Вернісаж». З кожным годам жадаючых пазмагацца за пераходзячы кубак турніру становіцца ўсё болей. На гэты раз заяўкі на ўдзел падалі 8 каманд. Дзве з іх новыя: «Экспрэс» (раённы вузел паштовай сувязі) і «Піраміда» ( УП «Сяннобудмеліяводгас»).
Нягледзячы на актыўнасць навічкоў, прыз усё ж такі дастаўся бывалым гульцам. Лепшымі інтэлектуаламі прызнаны супрацоўнікі райвыканкама — каманда «Імпульс». На другім месцы, з адрывам усяго ў тры балы, апынулася каманда «NIKA TRAID» з райспажыўтаварыства. Моладзь з УП «ПМК-64» (каманда «Будаўнік») заняла трэцяе месца.
Удзел па традыцыі прынялі каманды РАУС, аддзела адукацыі і райаграсервісу.
Кацярына КАРПОВІЧ.