Сенненскія тэатралы ў Віцебску
Артысты Краснасельскага Дома культуры прынялі ўдзел у абласным аглядзе-конкурсе тэатральных аматарскіх калектываў. І былі ўзнагароджаны дыпломам за музычнае афармленне спектакля. Сенненцы прадставілі на суд журы камедыю Міхася Чарота «Мікітаў лапаць».
Рэжысёрам спектакля стала дырэктар Краснасельскага Дома культуры Марына Лындзіна. Акрамя яе ў пастаноўцы заняты Міхаіл Паноў, Віталь Кароткі, Ігар Ермашкевіч, Ала Шмурадка і Ганна Конышава — жыхары вёсак Папоўка і Дамашэва.
Пабачылі п’есу ўжо і гледачы з Янова. Па словах Марыны Лындзінай, са спектаклем яны плануюць завітаць ва ўсе аграгарадкі раёна. Сачыце за афішамі, землякі!
Кацярына КАРПОВІЧ.