Там, где трактор не пройдёт, «Двина» по снегу проползёт!
На Сенненшчыне стартавалі веснавыя работы.
Тэхніку на палі вывелі механізатары ДП «Саўгас імя Машэрава». У першы дзень работы на ўраджай 2011 года пры дапамозе самаходнай устаноўкі «Дзвіна» па снежным покрыве насеннем шматгадовых траў падсеяны азімыя зерневыя на плошчы 32 гектары.
«Дзвіна» — усюдыходны агрэгат тыпу «Раса». Асноўнае прызначэнне яго — падкормка азімых пасеваў ранняй вясной, калі доступ іншай наземнай тэхнікі немагчымы. Выпускаецца Верхнядзвінскім райаграсервісам. Пры наяўнасці неабходнага навяснога абсталявання можа выкарыстоўвацца для ўнясення як цвёрдых, так і вадкіх мінеральных угнаенняў.
